თენგიზ სანებლიძე

დაბადების ადგილი: ქ. თბილისი.

დაამთავრა ალ. პუშკინის სახელობის სახელმწიფო პედაგოგიური ინსტიტუტი გეოგრაფიის სპეციალობით 1972 წელს.

მუშაობა დაიწყო საქართველოს აგრარულ უნივერსიტეტში საერთაშორისო ეკონომიკური ურთიერთობის კათედრაზე ასისტენტად, შემდეგ უფროს მასწავლებლად და დოცენტად; 1970-1985წწ. შეთავსებით მუშაობდა თბილისის საექსკურსიო-სამოგზაურო ბიუროში ექსკურსიამძღოლად; 1974 წლიდან იყო ვახუშტი ბაგრატიონის სახელობის გეოგრაფიის ინსტიტუტის მაძიებელი. გამოქვეყნებული აქვს სამეცნიერო ნაშრომები, მათ შორის, მონოგრაფია. მათში განხილულია ბუნებრივ-გეოგრაფიული და სოციალურ-ეკონომიკური წანამძღვრები, აგრორეკრეაციული კომპლექსების ფორმირება, ზოგადი კანონზომიერებები, თავისებურებები და მათი ფუნქციონირება ქვეყანაში. მოცემულია საქართველოს აგრორეკრეაციული კომპლექსების განვითარებისა და სრულყოფის პერსპექტივები. გეოგრაფიულ მეცნიერებათა კანდიდატი, დოცენტი (1991).

საკანდიდატო დისერტაციის თემა - "სოფლის მეურნეობის განვითარება და სპეციალიზაცია რეკრეაციულ რეგიონებში (საქართველოს მაგალითზე)",  დაიცვა 1989 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.228-229