თამარ სიხარულიძე

დაბადების ადგილი: სოფელი გოგოლესუბანი, ჩოხატაურის რაიონი.

დაამთავრა თბილისის სახელმწიფო პედაგოგიური ინსტიტუტის საბუნებისმეტყველო ფაკულტეტი გეოგრაფიის პროფილით 1934 წელს.

1934-1938წწ. მუშაობდა ოზურგეთის საშუალო სკოლაში; 1942 წელს დაამთავრა თბილისის სახელმწიფო უნივერსიტეტის ასპირანტურა. 1942-1959წწ. მუშაობდა გორის პედაგოგიურ ინსტიტუტში, ასრულებდა ფაკულტეტის დეკანის და კათედრის გამგის მოვალეობას; 1959-1966წწ. თბილისის სახელმწიფო პედაგოგიურ ინსტიტუტში იყო გეოგრაფიის კათედრის გამგე. მიღებული აქვს იაკობ გოგებაშვილის სახელობის პედაგოგიური საზოგადოების საპატიო სიგელი (1975). გეოგრაფიულ მეცნიერებათა კანდიდატი, დოცენტი.

საკანდიდატო დისერტაციის თემა - "აფხაზეთის ასსრ ფიზიკურ-გეოგრაფიული დახასიათება", დაიცვა 1949 წელს. 

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.234