გია სოფაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოგრაფ-ლანდშაფტმცოდნეობის სპეციალობით 1982 წელს.

მუშაობა დაიწყო თბილისის სახელმწიფო უნივერსიტეტის გეოგრაფია-გეოლოგიის ფაკულტეტზე მეცნიერ თანამშრომლად; საქართველოს გეოგრაფიის კეთედრის დოცენტად. არის ეკოლოგიური გაზეთის "ზღვისპირეთის" რედაქტორი, რადიაციული და ტოქსიკური დაბინძურების კომპიუტერული ატლასის შექმნის პროექტის კოორდინატორი; 1999 წლიდან მრავალი საერთაშორისო პროექტის ხელმძღვანელი; 2001 წლიდან არასამთავრობო ორგანიზაცია მდგრადი განვითარების კავშირის "ეკოხედვის" რედაქტორი. გამოქვეყნებული აქვს სამეცნიერო ნაშრომები, რომლებიც შეეხება ლანდშაფტმცოდნეობისა და გარემოს დაცვის საკითხებს. გეოგრაფიის დოქტორი.

საკანდიდატო დისერტაციის თემა - "კოლხური ლანდშაფტების სეზონური დინამიკა", დაიცვა 1989 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.234; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ. 214

• საქართველოს ალექსანდრე ჯავახიშვილის სახელობის გეოგრაფიული საზოგადოება, გამგეობის წევრი

• 2000 - ღირსების მედალი