იანინა სულაქველიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი გეოფიზიკის სპეციალობით 1967 წელს.

1970 წლიდან მუშაობდა გეოფიზიკის კათედრაზე. გამოქვეყნებული აქვს 50 სამეცნიერო ნაშრომი, რომლებიც ეძღვნება ატმოსფეროში მიმდინარე თერმოდინამიკურ საკითხებს, ღრუბლებზე აქტიურ ზემოქმედებას, თავსხმა ნალექების წარმოშობასა და განაწილების თავისებურებებს და სხვ. ეწეოდა სალიტერატურო მოღვაწეობას. გამოქვეყნებული აქვს რამდენიმე ნოველა. გეოგრაფიულ მეცნიერებათა დოქტორი.

საკანდიდატო დისერტაციის თემა - "კონვექტური ღრუბლების განვითარების თერმოდინამიკური პირობები", დაიცვა 1971 წელს; სადოქტორო დისერტაციის თემა - "თავსხმა წვიმები მთიან ქვეყნებში", დაიცვა 1990 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.236-237

• Ливневые осадки в горных странах на примере Закавказья (ავტორი). - Тбилиси, Изд-во Тбил. ун-та, 1988. - 268с.