ლევან სონღულაშვილი

დაბადების ადგილი: ქ. თბილისი.

დაამთავრა თბილისის სამხატვრო აკადემია 2014 წელს.

ხატვა სამი წლის ასაკიდან დაიწყო. 6 წლიდან ხატავდა ფიგურატიულ კომპოზიციებს, ბიბლიურ და მითოლოგიურ სცენებს, პორტრეტებს; 9 წლის ასაკში დამოუკიდებლად თავისუფლად ართმევდა თავს ურთულეს სამხატვრო ამოცანებს, რაზეც სამხატვრო აკადემიის სტუდენტები მუშაობდნენ. იმ დროიდან უამრავ ჯგუფურ, საერთაშორისო და საქალაქთაშორისო გამოფენაში, ხელოვნების ფესტივალებში წარმატებით იღებდა აქტიურ მონაწილეობას; მიიღო არაერთი ჯილდო; 2008 წელს, მრავალი წარმატების აღსანიშნავად, საქართველოს პრეზიდენტმა მიხეილ სააკაშვილმა ახალგაზრდა მხატვარს სპეციალური პრიზი და სამადლობელი წერილი გაუგზავნა; 2009 წელს თბილისში მოეწყო მასშტაბური პერსონალური გამოფენა; 2010 წელს, თბილისის სამხატვრო აკადემიის საგამოფენო დარბაზში, მეორე პერსონალური გამოფენა, რომელიც მომღერალმა პაატა ბურჭულაძემ გახსნა; 2011 წელს, 19 წლის მხატვარი ვიზუალური ხელოვნების პროექტით რამდენიმე თვით გერმანიაში (მიუნხენი) მიიწვიეს, სადაც გერმანელ თეატრის მხატვრებთან ერთად სპექტაკლი მხატვრულად გააფორმა; 2013 წელს, სადიპლომო ნამუშევრების ექსპოზიციაზე, წარმოდგენილი იყო პორტრეტების სერია, რასაც მსოფლიო ასპარეზზეც მნიშვნელოვანი წარმატებები მოჰყვა; მხატვრებმა და არტ-კრიტიკოსებმა ლ. სონღულაშვილის ხელოვნება დაახასიათეს, როგორც "უნიკალური შემოქმედება, დიდი ხელოვნება, ექსტრაორდინალური ნიჭი; უცხოური საინფორმაციო მედია წყაროები კი მის ნამუშევრებზე საუბარს უმაღლესი შეფასებებით იწყებენ; მხატვრის ნამუშევრები დიდი პოპულარობით სარგებლობს მსოფლიოს მრავალ ქვეყანაში, ცნობილი ადამიანების კერძო კოლექციებშია დაცული, მისი შემოქმედების გამოფენებს კი თან საზოგადოების განსაკუთრებული მოლოდინი და ყოველთვის დიდი ვნებათაღელვა ახლავს; 2014 წელს, ნიუ-იორკში ენდი უორჰოლის მიერ დაარსებულ პრესტიჟულ ნიუ-იორკის სამხატვრო აკადემიის ისტორიაში პირველი ქართველი სამაგისტრო კურსის სტუდენტი გახდა; მან განათლებისა და მეცნიერების სამინისტროს ყველაზე მაღალი გრანტი მიიღო, ამასთან, ნიუ-იორკის სამხატვრო აკადემიის კომისიის რჩეული გახდა და სასტიპენდიო ჯილდოც მოიპოვა; 2015 წელს, აკადემიის მთავარი ჯილდოს "Portrait Scholarship Award"-ის გამარჯვებულია, სადაც ამერიკელი, ევროპელი და აზიელი არტისტები იღებდნენ მონაწილეობას; 2015 წლის ზაფხულში, აპლიკანტთა პორტფოლიოების გაცნობის საფუძველზე, დიდი კონკურენციის მიუხედავად, ლევან სონღულაშვილმა მიიღო შემოთავაზება ჯეფ კუნსის მანჰეტენის კომპანიაში სამუშაოდ; 2015 წლის 13 აპრილს, ნიუ-იორკის ერთ-ერთ ყველაზე ღირსშესანიშნავ ვიზუალური ხელოვნების გამოფენა-წვეულებაზე "Tribeca Ball 2015",  მისი ნახატები გამოიფინა, სადაც მნიშვნელოვანი შეკვეთა მიიღო იაპონელი კოლექციონერებისგანაც; 2015 წლის 15 ოქტომბერს, ნიუ-იორკის სამხატვრო აკადემიისა და სოთბის სააუქციონო სახლის ერთობლივად ორგანიზებულ გამოფენა-აუქციონზე "Take Home a nude 2015" ლ. სონღულაშვილის ნახატი "მედუზა" ნიუ-იორკის "სოთბის" (Sotheby's) სააუქციონო სახლში, თანამედროვეობის ლეგენდარული არტისტების ნახატებთან ერთად, გამოიფინა და გაიყიდა; "მედუზა" ვიზუალური ხელოვნების კონცეპტუალური ნაწარმოებია, რომელიც შერეული ტექნიკით ტილოზეა შესრულებული. მხატვარმა ნახატი 22 წლის ასაკში, თბილისში შექმნა და ამჟამად ნიუ-იორკში მცხოვრები ამერიკელი არტ-კოლექციონერის პირად კოლექციაშია; 2015 წლის 31 დეკემბერს წარდგენილი იყო საზოგადოებრივი მაუწყებლის ჯილდოზე - "წლის საუკეთესო", ნომინაციაში - "წლის ყველაზე მნიშვნელოვანი მოვლენა სახვით ხელოვნებაში". 21-ე საუკუნის ქართველი ვიზუალური არტისტი, ფერმწერი, გრაფიკოსი.

წყარო: geoartistsabroad.tsu.ge