ჯუმბერ ფანჩულიძე

დაბადების ადგილი: სოფელი ძევრი, თერჯოლის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ინჟინერ-ჰიდროლოგის სპეციალობით 1965 წელს.

მუშაობა დაიწყო "საქსახწყალპროექტში"ინჟინერ-ჰიდროლოგის თანამდებობაზე, სადაც ასრულებდა წინასაპროექტო მონაცემებისათვის საველე აზომვით გეოდეზიურ სამუშაოებს; 1967-1969წწ. სწავლობდა "საქწყალეკოლოგიის" სამეცნიერო-კვლევითი ინსტიტუტის ასპირანტურაში; 1976-1978წწ. მუშაობდა სირიის არაბთა რესპუბლიკაში - ქვეყნის ზედაპირული წყლების რესურსების დადგენაზე; 1970-1982წწ. "საქწყალეკოლოგიის" სამეცნიერო-კვლევით ინსტიტუტში უფროს მეცნიერ-თანამშრომლად, ხოლო 1982-1999წწ. საქართველოს აგრარული უნივერსიტეტის ჰიდრომელიორაციის კათედრის დოცენტად; 1977 წლიდან საქართველოს მიწის მართვის სახელმწიფო დეპარტამენტში სამმართველოს უფროსად. გამოქვეყნებული აქვს სამეცნიერო ნაშრომები, რომლებიც შეეხება ხმელეთის ჰიდროლოგიის, მელიორაციის და გაუდაბნოებასთან ბრძოლის პრობლემებს. საქართველოს ტექნიკური უნივერსიტეტის წყალთა მეურნეობის ინსტიტუტის მთავარი მეცნიერ-მუშაკი, ტექნიკურ მეცნიერებათა დოქტორი, პროფესორი.

საკანდიდატო დისერტაციის თემა - "კოლხეთის დაბლობის დამშრობ სისტემიანი ტერიტორიების მაქსიმალური ჩამონადენის ჰიდროგრაფიის გაანგარიშების მეთოდიკა", დაიცვა 1974 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.249-250

• მიწის მმართველობა : სახელმძღვანელო (თანაავტორი). - თბილისი, ტექნიკური უნივერსიტეტი, 2018. - 184გვ.. - ISBN: 9789941281655
• მიწის მართვის თანამედროვე სისტემა : სახელმძღვანელო (რედაქტორი). - ახალციხე, სამცხე-ჯავახეთის სახელმწიფო უნივერსიტეტი, 2018. - 296გვ. . - ISBN: 9789941948886
• მიწის ადმინისტრირება : სახელმძღვანელო (თანაავტორი). - თბილისი, ტექნიკური უნივერსიტეტი, 2018. - 132გვ. . - ISBN: 9789941280795
• მიწათრეგულირებისა და ადმინისტრირების საფუძვლები : სახელმძღვ. (ავტორი). - თბილისი, ახალციხის უნ-ტი, 2012. - 98გვ.. - ISBN: 9789941922299
• უძრავი ქონების (მიწის) ადმინისტრირების საფუძვლები : სახელმძღვ. ბიზნ. და მართვის სპეც. სტუდ. (ავტორი). - თბილისი, საზოგადოება ცოდნა, 2010. - 307გვ. . - ISBN: 9789941411168