ილა მაისურაძე

დაბადების ადგილი: ქ. ცხინვალი.

1904 წლიდან იყო მენშევიკური პარტიის წევრი; პირველად დააპატიმრეს 1907 წელს, როგორც წითელრაზმელი, არასაიმედო პირი, იარაღის მატარებელი და გადაასახლეს ასტრახანის გუბერნიაში არეულობების დასრულებამდე, ანუ 1907 წლის ბოლომდე; 1918–1921წწ. იყო ჯავის რაიონის მილიციის უფროსი; აქტიური მონაწილეობა მიიღო 1918 წლის ოსების ანტისახელმწიფოებრივი გამოსვლების ჩახშობაში. საბჭოთა ხელისუფლების დამყარების პირველსავე თვეებში დაპატიმრეს, გაათავისუფლეს 1921 წლის ივნისში; 21 ივლისს კვლავ დააპატიმრეს და აღარ გაუთავისუფლებიათ, მის წინააღმდეგ ძიება დაამთავრეს 1921 წლის 21 დეკემბერს; დახვრიტეს 1924 წლის 1 სექტემბერს ანტისაბჭოთა აჯანყების სხვა მონაწილეებთან ერთად. ანტისაბჭოთა მოღვაწე.

• ქართველთა შორის წერა-კითხვის გამავრცელებელი საზოგადოება, საზოგადოების ბორჯომის განყოფილება, წევრი (1909-1911)