ლია შალვაშვილი

დაბადების ადგილი: ქ. თბილისი.

დაამთავრა სულხან-საბა ორბელიანის სახელობის სახელმწიფო პედაგოგიური უნვიერსიტეტის საბუნებისმეტყველო ფაკულტეტი გეოგრაფიის სპეციალობით 1988 წელს; პარალელურად 1984-1986წწ. სწავლობდა იმავე სასწავლებლის საზოგადოებრივ პროფესიათა ფაკულტეტზე ჟურნალისტიკის განხრით, ხოლო 1986-1988წწ. თბილისის ილია ჭავჭავაძის სახელობის ენისა და კულტურის სახელმწიფო უნივერსიტეტთან არსებული უცხო ენების შემსწავლელ ორწლიან კურსებზე. 1989-1993წწ. ასპირანტურის კურსი გაიარა ვახუშტი ბაგრატიონის სახელობის გეოგრაფიის ინსტიტუტში ეკონომიკური და სოციალური გეოგრაფიის სპეციალობით.

1984-1994წწ. - გეოლოგიური სამმართველოს ცენტრალური ლაბორატორია, ლაბორანტი; 1994-1995წწ. - ქ. რუსთავის 23-ე საშუალო სკოლა, პედაგოგი; 1995-1997წწ. შოთა რუსთაველის სახელობის რუსთავის დამოუკიდებელი უნივერსიტეტი, დოცენტი; 1997-1999წწ. ვახუშტი ბაგრატიონის სახელობის გეოგრაფიის ინსტიტუტი, უფროსი მეცნიერ-თანამშრომელი; 1999-2000წწ. თბილისის კრწანისის განათლების განყოფილების მეთოდური უზრუნველყოფის ცენტრი, გეოგრაფიისა და ბუნებისმცოდნეობის მოთოდისტი; 2000 წლიდან განათლების სამინისტრო, საშუალო განათლების სამმართველოს მთავარი სპეციალისტი, ხოლო შემდეგ სახელმძღვანელოების სამმართველოს უფროსი და 151-ე საშუალო სკოლის დაწყებითი კლასების ეკოლოგიისა და ბუნებისმცოდნეობის მასწავლებელი. გამოქვეყნებული აქვს სამეცნიერო და სასწავლო მეთოდური ნაშრომები. გეოგრაფიულ მეცნიერებათა კანდიდატი.

საკანდიდატო დისერტაციის თემა - "თბილისის საქალაქო აგლომერაციის ბუნებრივ-რესურსული პოტენციალი და მისი სამეურნეო ათვისება", დაიცვა 1997 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.269

• ჩვენი გარემო 1 : მოსწავლის სახელმძღვანელო ბუნებისმეტყველებაში (ავტორი). - თბილისი, შემეცნება, 2018. - 54გვ. . - ISBN: 9789941428616
• მინდა ყველაფერი ვიცოდე : საბავშვო ენციკლოპედია (რედაქტორი) // წ. 1 . - თბილისი, შემეცნება, 2018. - 192გვ.. - ISBN: 9789941428463
• ეს ჩემი საქართველოა (ავტორი). - თბილისი, შემეცნება, 2017. - 152გვ.. - ISBN: 9789941428357
• მოგზაურობა საქართველოში : მე-4 კლ. სახელმძღვ. (ავტორი). - თბილისი, საქართველოს მაცნე, 2006. - 78გვ.. - ISBN: 9992803983
• ბასტისა და ბუბუს საოცარი მოგზაურობა : საკითხავი წიგნი უმცროსი სასკოლო ასაკის ბავშვებისათვის (ავტორი). - თბილისი, მეცნიერება, 1999. - 56გვ.. - ISBN: 9992851856