ნიკოლოზ შურღაია

დაბადების ადგილი: ქ. თბილისი.

1961-1963წწ. სწავლობდა თბილისის სახელმწიფო უნივერსიტეტის გეოგრაფია-გეოლოგიის ფაკულტეტზე, III კურსიდან გადავიდა ეკონომიკის ფაკულტეტზე; 1967 წელს დაამთავრა თბილისის სახელმწიფო უნივერსიტეტის ეკონომიკის ფაკულტეტი.

1969-1971წწ. მუშაობდა სახელმწიფო საგეგმო კომიტეტთან არსებულ ეკონომიკისა და დაგეგმვის ინსტიტუტში საწარმოო ძალთა განლაგების განყოფილებაში უმცროს მეცნიერ-თანამშრომლად, ხოლო 1971-1984წწ. ვახუშტი ბაგრატიონის სახელობის გეოგრაფიის ინსტიტუტში უმცროს მეცნიერ-თანამშრომლად; პარალელურად, 1974-1982წწ. კითხულობდა ლექციებს საქართველოს სასოფლო-სამეურნეო ინსტიტუტში ეკონომიკური გეოგრაფიის დარგში; 1984 წლიდან მუშაობდა საქართველოს ვაჭრობის სამინისტროს სამეცნიერო-ტექნიკურ ცენტრში; 1990 წლიდან სულხან-საბა ორბელიანის სახელობის სახელმწიფო პედაგოგიურ უნივერსიტეტში (სადაც 1986 წლიდან კითხულობდა ლექციებს). გამოქვეყნებული აქვს სამეცნიერო ნაშრომები; თარგმნა სახელმძღვანელო ეკონომიკურ და სოციალურ გეოგრაფიაში - "ეკონომიკური გეოგრაფიის შესავალი". თანაავტორია რამდენიმე მონოგრაფიული გამოკვლევისა: "თბილისი-რუსთავის სამრეწველო კვანძი", "ქვემო ქართლი", "სამხრეთი ეკონომიკური რაიონი" და სხვ. გეოგრაფიულ მეცნიერებათა კანდიდატი, დოცენტი.

საკანდიდატო დისერტაციის თემა - "დასავლეთი ეკონომიკურ-გეოგრაფიულ რაიონის სამეურნეო კომპლექსის განვითარების რეგიონალური პრობლემები", დაიცვა 1994 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.274