გიორგი სალუქვაძე

დაბადების ადგილი: სოფელი კოხნარი, ოზურგეთის მაზრა.

1943-1945წწ. სწავლობდა ბათუმის შოთა რუსთაველის სახელობის სახელმწიფო პედაგოგიური ინსტიტუტის ფილოლოგიურ ფაკულტეტზე.

სხვადასხვა დროს მუშაობდა: ბათუმის სახელმწიფო დრამატული თეატრის ლიტერატურული ნაწილის გამგედ, აჭარის სახელმწიფო გამომცემლობის დირექტორად, ალმანახ "ტალღის" რედაქტორად, ჟურნალ "ლიტერატურული აჭარის" კულტურის განყოფილების გამგედ, გაზეთ "საბჭოთა აჭარის" პასუხისმგებელ მდივნად, 1945-1947წწ. აჭარის ასსრ სახელგამის დირექტორის მოადგილედ, შეთავსებით ბათუმის სახელმწიფო თეატრში სალიტერატურო ნაწილის გამგედ; 1947 წლის მაისიდან მუშაობდა გაზეთ "საბჭოთა აჭარის" რედაქციაში; მისი პირველი ლექსი 1938 წელს დაისტამბა; პირველი წიგნი "ჩემი მიწა" 1945 წელს გამოიცა; ავტორია ლექსთა კრებულისა: "დაბრუნებულან" (1946),  "ლირიკა" (1955), "სანაპიროზე" (1959), "რა ხანია გათენდა" (1965), "დღე" (1970),  "რჩეული" (1973), "პატიოსნება" (1977), "მაისის წვიმა" (1978), "რჩეული ლექსები", "ლირიკული პოემა" (1992) და სხვ; ნაყოფიერად მუშაობდა საბავშვო ჟანრშიც, გამოსცა წიგნები: "ჩიტის ბუდე", "თოჯინების ნაამბობი", "რა ხანია გათენდა", "თეას წიგნი"; ეწეოდა მთარგმნელობით საქმიანობას. თარგმნა სერგეი ესენინის, რასულ გამზათოვის, ფრანგი კლასიკოსების (კორნელი, რასინი, ვოლტერი) ნაწარმოებები; ჯაკომეტის "დამნაშავის ოჯახი" და კორნელის "სიდი"; ბათუმის სახელმწიფო დრამატული თეატრის სცენაზე დაიდგა გ. სალუქვაძის "დიდი გზა", "მამულო საყვარელო", "მინდია". მიღებული აქვს აჭარის ავტონომიური რესპუბლიკის უზენაესი საბჭოს საპატიო სიგელი (1996). 

წყარო: ქართული საბჭოთა ენციკლოპედია, ტ. 8. - თბ., 1984. -გვ. 696; საინფორმაციო ცნობარი აჭარაში მოღვაწე მწერალთა შესახებ / შემდგენელი ცისანა ანთაძე.-ბათუმი, 2019.-გვ.184

• საქართველოს მწერალთა კავშირის აჭარის განყოფილების პოეზიის სექცია, გამგე

• ჩიტის ბუდე : ლექსები (ავტორი). - ბათუმი, საბჭოთა აჭარა, 1987. - 90გვ.
• მაისის წვიმა : ლექსები, ლირიკული პოემა (ავტორი). - თბილისი, მერანი, 1978. - 67გვ.
• ლირიკა (ავტორი). - ბათუმი, სახელგამი, 1955. - 228გვ.
• აყვავებული აჭარა : საბავშვო ლექსები (ავტორი). - ბათუმი , აჭარის სახელგამი, 1950. - 68გვ.
• დაბრუნებულან : ლექსები (ავტორი). - ბათუმი , აჭარის სახელგამი, 1946. - 103გვ.