მერაბ ხარატიშვილი

დაბადებისა ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ფიზიკური გეოგრაფიის სპეციალობით 1963 წელს.

1968 წლიდან მუშაობდა თბილისის სახელმწიფო უნივერსიტეტის გეოგრაფიის კათედრაზე. შემდეგ ამავე კათედრის გამგე იყო. არის 46 სამეცნიერო შრომის ავტორი. ბუნებრივ-ანთროპოგენური ლანდშაფტების ანალიზის გზით გამოიკვლია საქართველოს ბუნებათსარგებლობის გეოგრაფიული პრობლემები. ლანდშაფტები შეფასებულია ბუნებრივი პირობებისა და რესურსების რაციონალური გამოყენების პოტენციური შესაძლებლობების თვალსაზრისით. გეოგრაფიულ მეცნიერებათა კანდიდატი, დოცენტი.

საკანდიდატო დისერტაციის თემა - "მთიანი ტერიტორიის ლანდშაფტური ანალიზი სოფლის მეურნეობის მიზნებისათვის", დაიცვა 1982 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.303

• განათლების სამინისტროს გეოგრაფიის სამეცნიერო-მეთოდური საბჭო, წევრი
• საქართველოს გეოგრაფიული საზოგადოება, პრეზიდიუმის წევრი

• 1988 - ივანე ჯავახიშვილის სახელობის საიუბილეო მედალი

• ფიზიკური გეოგრაფიის ზოგადი საკითხი : მეთოდ. მითითება ფიზ. გეოგრაფიის სპეც. სტუდ. 01.18 (ავტორი). - თბილისი, თბილ. უნ-ტის გამ-ბა, 1991. - 76გვ.
• საქართველოს ფიზიკური გეოგრაფია : დამხმ. სახელმძღვ. უმაღლ. სასწ. სტუდენტებისათვის (ავტორი). - თბილისი, თბილ. უნ-ტის გამ-ბა, 1990. - 207გვ.