ოთარ ხმალაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი გეოფიზიკის სპეციალობით 1956 წელს; 1959-1962წწ. გაიარა ასპირანტურის კურსი.

მუშაობა დაიწყო თბილისის სახელმწიფო უნივერსიტეტის ხმელეთის ჰიდროლოგიის კათედრის ასისტენტად; 1993 წლიდან პროფესორი; 1986-2003წწ. არჩეული იყო გეოგრაფია-გეოლოგიის ფაკულტეტის დეკანის თანამდებობაზე. უნივერსიტეტში საქართველოს გეოგრაფიის კათედრის შექმნის და სამხედრო გეოგრაფიის კურსის შემოღების ინიციატორი. გამოქვეყნებული აქვს 127 სამეცნიერო ნაშრომი. მისი მეცნიერული ინეტერესის სფეროა ჰიდროფიზიკის, მდინარეთა მყარი ჩამონადენის ფორმირების თავისებურებანი, მათი რაოდენობრივი მახასიათებლების დადგენა და კალაპოტის პროცესების პროგნოზირება. პროფესორი (1993).

საკანდიდატო დისერტაციის თემა - "დასავლეთ საქართველოს მდინარეთა თერმული და ყინულოვანი რეჟიმის ფორმირების კანონზომიერებანი", დაიცვა 1964 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.311; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.252

• საქართველოს ეკოლოგიურ მეცნიერებათა აკადემია, წევრი (1995-)
• სსრკ გეოგრაფიული საზოგადოება, პრეზიდიუმის წევრი

• 1998 - ღირსების ორდენი
  სტუდენტი ახალგაზრდობის აღზრდა-განათლებაში შეტანილი დიდი წლილისა და ნაყოფიერი სამეცნიერო მოღვაწეობისათვის

• "ჰიდროფიზიკის" ზამთრის სასწავლო-საველე პრაქტიკის მეთოდური მითითებანი : ჰიდროლოგიის და ჰიდროეკოლოგიის სპეც. სტუდ. (ავტორი). - თბილისი, თბილ. უნ-ტის გამ-ბა, 1995. - 27გვ.
• ჰიდროფიზიკა : სახელმძღვ. გეოგრაფია-გეოლოგიის ფაკ-ტის სტუდენტებისათვის (ავტორი). - თბილისი, თბილ. უნ-ტის გამ-ბა, 1978. - 332გვ.