შალვა ხუნდაძე

დაბადების ადგილი: ქ. სოხუმი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1941 წელს.

1941-1962წწ. მუშაობდა თბილისის სხვადასხვა სკოლაში გეოგრაფიის მასწავლებლად, სასწავლო ნაწილის გამგედ, დირექტორად; 1959 წელს მუშაობა დაიწყო იაკობ გოგებაშვილის სახელობის პედაგოგიკის სამეცნიერო-კვლევით ინსტიტუტში. კითხულობდა გეოგრაფიის სწავლების მეთოდიკის კურსს თბილისის სახელმწიფო უნივერსიტეტის გეოგრაფია-გეოლოგიის ფაკულტეტზე. მისი სამეცნიერო მუშაობის თემატიკა გეოგრაფიის სწავლების მეთოდიკას ეკუთვნის. მუშაობდა აგრეთვე ბუნებისმცოდნეობის სწავლების საკითხებზე. იყო ჟურნალ "სკოლა და ცხოვრების" დამატების - "ისტორია და გეოგრაფია სკოლაში" რედკოლეგიის წევრი. გამოქვეყნებული აქვს 80-მდე სამეცნიერო-მეთოდური ნაშრომი. შეადგინა დაკვირვების დღიურები II და IV კლასებისათვის. პედაგოგიკის მეცნიერებათა კანდიდატი, დოცენტი.

საკანდიდატო დისერტაციის თემა - "მათემატიკური გეოგრაფიის ელემენტების სწავლება საშუალო სკოლაში", დაიცვა 1961 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.313-314

• იაკობ გოგებაშვილის სახელობის მედალი
• ივანე ჯავახიშვილის სახელობის მედალი

• დაკვირვების დღიური: ბუნება და ადამიანის შრომითი საქმიანობა : დამხმ. სახელმძღვ. [მე-5 კლ.] მოსწავლეთათვის (ავტორი). - თბილისი, განათლება, 1990. - 63გვ.
• დაკვირვების დღიური ბუნებასა და ადამიანის შრომით საქმიანობაზე : [დამხმ. სახელმძღვ. მე-4 კლასის მოსწ.] (ავტორი). - თბილისი, განათლება, 1987. - 63გვ.
• ბუნების კარი : ბუნების სახელმძღვ. მე-2 კლასისათვის (თანაავტორი). - თბილისი, განათლება, 1982. - 40გვ.
• ფიზიკური გეოგრაფიის სწავლება ახალი პროგრამით (ავტორი). - თბილისი, თბილ. უნ-ტის გამ-ბა, 1972. - 80გვ.
• მათემატიკური გეოგრაფიის ელემენტების სწავლება საშუალო სკოლაში (ავტორი). - თბილისი, ცოდნა, 1958. - 198გვ.