მარი ხუტაშვილი

დაბადების ადგილი: სოფელი ძეგვი, მცხეთის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ეკონომიკური და სოციალური გეოგრაფიის სპეციალობით 1968 წელს; 1968-1971წწ. სწავლობდა თბილისის სახელმწიფო უნივერსიტეტის ასპირანტურაში.

1971-1976წწ. მუშაობდა თბილისის სახელმწიფო უნივერსიტეტის ეკონომიკური და სოციალური გეოგრაფიის კათედრაზე მასწავლებლის თანამდებობაზე; 1976-1981წწ. სახალხო მეურნეობის ეკონომიკის, დაგეგმვისა და მართვის ინსტიტუტის მეცნიერ-თანამშრომელი; 1981-1987წწ. საქართველოს მეცნიერებათა აკადემიის საწარმოო ძალებისა და ბუნებრივი რესურსების შემსწავლელ კომისიაში უმცროსი მეცნიერ-თანამშრომელი, შემდეგ, უფროსი მეცნიერ-თანამშრომელი; 1987 წლიდან თბილისის სახელმწიფო უნივერსიტეტის ეკონომიკური და სოციალური გეოგრაფიის კეთედრის დოცენტი. პარალელურად, 1987-1991წწ. მუშაობდა თბილისის სახელმწიფო უნივერსიტეტის კვალიფიკაციის ამაღლების ფაკულტეტზე, კითხულობდა ლექციებს. გამოქვეყნებული აქვს 35-ზე მეტი სამეცნიერო ნაშრომი. ისინი ძირითადად ეხება თბილისის ეკოლოგიურ-გეოგრაფიულ და გარემოს დაცვის სოციალურ საკითხებს. მუშაობს პროგრამებზე - გარემოს დაცვისა და ბუნებრივი რესურსების რაციონალური გამოყენების სფეროში. გეოგრაფიულ მეცნიერებათა კანდიდატი. თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის ასისტენტ-პროფესორი.

საკანდიდატო დისერტაციის თემა - "ქ. თბილისის ეკოლოგიური სიტუაციის ფორმირების გეოგრაფიული ფაქტორები", დაიცვა 1985 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.314-315

• ზოგადი ეკოლოგია და გარემოს დაცვა : სახელმძღვ. უმაღლ. სასწ. სტუდ. (თანაავტორი). - თბილისი, თბილ. უნ-ტის გამ-ბა, 2003. - 236გვ.. - ISBN: 9994013742