ჯუმბერ ბეთაშვილი

დაბადების ადგილი: ქ. თბილისი.

დაამთავრა სოხუმის სუბტროპიკული მეურნეობის ინსტიტუტი 1961 წელს; სოხუმის პედაგოგიური ინსტიტუტის ისტორიის ფაკულტეტი; მოსკოვის უმაღლესი პარტიული სკოლა; ცნობილი ეკონომისტის, აკადემიკოს ტერეშჩენკოს ხელმძღვანელობით გაიარა ასპირანტურის კურსი.

1972 წელს იყო მიუნხენში ოლიმპიური თამაშების კომკავშირული ორგანიზაციის ხელმძღვანელი; 1974 წელს მუშაობა დაიწყო ქ. გაგრაში საქალაქო კომიტეტში ჯერ ინსტრუქტორად, ხოლო შემდეგ განყოფილების გამგედ; 1976 წლიდან მუშაობდა აფხაზეთის ასსრ მინისტრთა საბჭოში; 1992–1993წწ. იყო აფხაზეთის ავტონომიური რესპუბლიკის სახელმწიფო მდივანი; აფხაზეთში შეიარაღებული კონფლიქტის დროს მას არცერთი დღე არ დაუტოვებია სოხუმი. ის ეხმარებოდა როგორც ქართველებს, ისე აფხაზებს, ბერძნებს, რუსებს, სომხებს; როდესაც სოხუმი დაეცა, მას სთხოვდნენ დაეტოვებინა ქალაქი. მისი ბოლო სიტყვები იყო: "მე ბავშვებს და ქალებს ვერ მივატოვებ". აფხაზეთში შეიარაღებული კონფლიქტის დროს, სოხუმის დაცემის შემდეგ, 1993 წლის 27 სექტემბერს აფხაზეთის მთავრობის სხვა წევრებთან ერთად მოკლეს აფხაზური სეპარატისტული დაჯგუფების წევრებმა. სახელმწიფო მოხელე.

წყარო: მოლოდინი: უგზო-უკვლოდ დაკარგულთა მოძიების ფონდი: molodini.org; აფხაზეთის ავტონომიური რესპუბლიკის უმაღლესი საბჭო: scara.gov.ge; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.81; უკვდავება : საქართველოს ტერიტორიული მთლიანობისათვის შიდა ქართლსა და აფხაზეთში დაღუპულ მეომართა ბიოგრაფიები. ნაწილი 2 / საქართველოს ჟურნალისტთა ფედერაცია, საქართველოს თავდაცვის სამინისტრო.-თბ.,2004.-გვ.73-74

• აფხაზეთის ავტონომიური რესპუბლიკის მინისტრთა საბჭო, წევრი (1993-)

• 1999 - ვახტანგ გორგასლის I ხარისხის ორდენი (გარდაცვალების შემდეგ)
  საქართველოს ტერიტორიული მთლიანობისა და დამოუკიდებლობისათვის ბრძოლაში გამოჩენილი გმირობის, მამაცობისა და თავდადებისათვის