აპოლონ იოსელიანი

დაბადების ადგილი: ქ. წყალტუბო.

დაამთავრა სანქტ-პეტერბურგის კონსტანტინეს სამხედრო სასწავლებელი.

მსახურობდა რუსეთის იმპერიის არმიაში. 1909 წლის მდგომარეობით იყო 39-ე საარტილერიო ბრიგადის პორუჩიკი. ამავე ბრიგადის შემადგენლობაში მონაწილეობდა I მსოფლიო ომში (1914-1918). 1916 წელს მიიღო შტაბს-კაპიტნის, 1917 წელს - კაპიტნის წოდება; 1918-1921წწ. მსახურობდა საქართველოს რესპუბლიკის ჯარში, ჰქონდა მაიორის, შემდეგ პოლკოვნიკის წოდება; მეთაურობდა საარტილერიო ბატარეას; საქართველოს გასაბჭოების შემდეგ იყო ქართული წითელი არმიის საარტილერიო დივიზიის სამეურნეო ნაწილის უფროსი; 1924 წელს დროებით დაპატიმრებული იყო "სამხედრო ცენტრის" საქმესთან დაკავშირებით (იყო პოლკოვნიკ როსტომ მუსხელიშვილის ახლო მეგობარი); 1930-იან წლებში მუშაობდა საქართველოს ინდუსტრიული ინსტიტუტის სამხედრო ხელმძღვანელად; 1937 წლის ივლისში დააპატიმრეს და სსრკ უზენაესი სასამართლოს სამხედრო კოლეგიის გადაწყვეტილებით დახვრიტეს "კონტრრევოლუციური სამხედრო ორგანიზაციის" წევრობის ბრალდებით; რეაბილიტირებულია 1956 წელს. ოფიცერი, არტილერისტი, პოლკოვნიკი.

წყარო: საქართველოს პარლამენტის ეროვნული ბიბლიოთეკა: nplg.gov.ge; ge.openlist.wiki

• 1917 - წმინდა ანას II ხარისხის ორდენი
• 1915 - წმინდა ანას III ხარისხის ორდენი
• 1915 - წმინდა სტანისლავის II ხარისხის ორდენი