ივანე ადამიძე

დაბადების ადგილი: ქ. თბილისი.

მსახურობდა რუსეთის იმპერიის არმიაში; 1914-1918წწ. მონაწილეობდა I მსოფლიო ომში; იყო კავკასიელ მსროლელთა მე-15 პოლკის პოდპორუჩიკი, პორუჩიკი, შემდეგ შტაბს-კაპიტანი; გარკვეული ხანი ოსმალთა ტყვეობაში გაატარა; 
1918-1921წწ. იყო საქართველოს რესპუბლიკის ჯარის ოფიცერი; 1921 წელს ქართული სამხედრო სკოლის ნაცვალთა ათასეულის კაპიტანი; საბჭოთა რეჟიმის დამყარების შემდეგ მსახურობდა წითელ არმიაში პოლკოვნიკის წოდებით; მეთაურობდა ქართველ მსროლელთა I-ლ ლეგიონს; იყო თბილისის ადგილობრივი ჰაერსაწინააღმდეგო თავდაცვის შტაბის უფროსი; 1937 წელს კონტრრევოლუციური საქმიანობის ბრალდებით დააპატიმრეს და დახვრიტეს; რეაბილიტირებულია 1956 წელს.

წყარო: საქართველოს პარლამენტის ეროვნული ბიბლიოთეკა: nplg.gov.ge; gwar.mil.ru; ria1914.info

• 1917 - წმინდა ანას IV ხარისხის ორდენი
  წარწერით "მამაცობისათვის"
• 1917 - წმინდა სტანისლავის III ხარისხის ორდენი (ხმლითა და ბაბთით)
• 1916 - წმინდა გიორგის IV ხარისხის ორდენი
  ერზრუმის რეგიონში 1916 წლის თებერვლის ბრძოლებში თავის გამოჩენისთვის