ილია ნაკაიძე

დაბადების ადგილი: სოფელი ბახვი (ახ. ოზურგეთის მუნიციპალიტეტი).

დაამთავრა საქართველოს სასოფლო-სამეურნეო ინსტიტუტი 1932 წელს.

1932-1945წწ. მუშაობდა სასოფლო-სამეურნეო პროფილის დაწესებულებებში სხვადასხვა თანამდებობებზე; 1945-1949წწ. იყო ჩაის და სუბტროპიკული კულტურების საკავშირო სამეცნიერო კვლევითი ინსტიტუტის ფიზიოლოგიური განყოფილების გამგე; 1949-1968წწ. საქართველოს სასოფლო-სამეურნეო ინსტიტუტის აგროქიმიური კათედრის დოცენტი; 1969 წლიდან - პროფესორი. მან გამოიკვლია ვაზის ედაფური ქლოროზის გამომწვევი მიზეზები და შეიმუშავა მათ წინააღმდეგ ბრძოლის ღონისძიებები; შეისწავლა გერანის ზეთში მენთოლის ჭარბად დაგროვების მიზეზები და დასახა მათი თავიდან აცილების გზები; დაამუშავა ბოსტნეული კულტურების და სათიბების განოყიერების სისტემა და მათი წარმოებაში დანერგვის ღონისძიებანი; გამოქვეყნებული აქვს 9 მონოგრაფია და 5 სახელმძღვანელო; დაჯილდოებულია სახელმწიფო ჯილდოებით. აგროქიმიკოსი, სოფლის მეურნეობის მეცნიერებათა დოქტორი (1967), პროფესორი (1968).

წყარო: ქართული საბჭოთა ენციკლოპედია, ტ. 7. - თბ., 1984. - გვ. 301; წიგნი ღირსებისა: ტ. 5 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.19

• სკკპ, წევრი (1944-)

• 2000 - ღირსების ორდენი
• 1983 - საქართველოს მეცნიერებათა დამსახურებული მოღვაწე
• საპატიო ნიშნის ორდენი

• აგროქიმია : სახელმძღვ. სას. სამ. ინ-ტების სტუდ. (თანაავტორი). - თბილისი, განათლება, 1991. - 544გვ.
• ორგანული სასუქების წარმოება და გამოყენება საქართველოში (თანაავტორი). - თბილისი, საქართველო, 1990. - 133გვ.
• მინდვრის ცდები სასუქებზე (ავტორი). - თბილისი, საბჭოთა საქართველო, 1983. - 187გვ.
• აგროქიმიური გამოკვლევების მეთოდიკა : სახელმძღვ. სას.-სამ. ინ-ტის სტუდენტებისათვის (ავტორი). - თბილისი, განათლება, 1979. - 494გვ.
• მცენარის კვების დიაგნოსტიკა (ავტორი). - თბილისი, საბჭოთა საქართველო, 1977. - 159გვ.
• სავენახე ნიადაგის შერჩევა (ავტორი). - თბილისი, საბჭ. საქართველო, 1966. - 76გვ.