ემანუელ დვალიშვილი

დაბადების ადგილი: სოფელი სულორი, ვანის რაიონი.

დაამთავრა თბილისის სახელმწიფო სამედიცინიო ინსტიტუტი 1953 წელს.

მუშაობდა მედიცინის თეორიულსა და პრაქტიკულ საკითხებზე, იკვლევდა მედიცინის ფილოსოფიურ პრობლემებს. მედიცინა, მისი აზრით, სამყაროს უნივერსალური კანონზომიერების ცოდნას უნდა ემყარებოდეს, სხვაგვარად მისი განვითარების უზრუნველყოფა შეუძლებელია. მან შეისწავლა აგრეთვე ბიოენერგოინფორმაციის მართვისა და თვითმართვის კანონზომიერება, ასაბუთებს ბიოლოგიურისა და სოციალურის ერთიანობას ადამიანის ორგანიზმში, რაც, მისი აზრით, საფუძვლად უნდა დაედოს სამედიცინო დარგში პრაქტიკულ მოღვაწეობას. გარეგან სამყაროს, რომლის შემადგენელ ნაწილს ადამიანის ორგანიზმი წარმოადგენს, არსებითი მნიშვნელობა აქვს პიროვნების თავისებურებათა ჩამოყალიბების პროცესში, რაც განსაკუთრებით სოციალურ სფეროში გამოვლინდება. ბიოლოგიური და სოციალური თავისებურებების ურთიერთკავშირი განაპირობებს ინდივიდის ევოლუციის პროცესს. ამასთანავე, მისი აზრით, ბიოლოგიური პროცესების ურთიერთგანპირობებულობა სოციალური კანონმდებლობის ერთ-ერთი საფუძველი უნდა გახდეს, რაც საზოგადოების ფსიქოფიზიკური ჯანმრთელობის აუცილებელ პირობას წარმოადგენს. მისი თეორული კვლევისა და პრაქტიკული მოღვაწეობის ძირითად სფეროს მაინც მედიცინა წარმოადგენს. ამ მიმართულებით მას გამოქვეყნებული აქვს მრავალი ნაშრომი ქართულსა და რუსულ ენებზე. სამედიცინო დარგის ორგანიზატორი და გამოკვლევის მრავალი ახალი მეთოდის დამნერგავი ლიკანის (ბორჯომის), მისდამი დაქვემდებარებულ სანატორიუმში. მედიცინის მეცნიერებათა დოქტორი (1983), პროფესორი (1986).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.70-72

• საქართველოს ფილოსოფიურ მეცნიერებათა აკადემია, აკადემიკოსი (1999-)

• საქართველოს დამსახურებული ექიმი

• ლიკანის სალოცავის ნანგრევებზე : ლექსები (ავტორი). - თბილისი, ეროვნული მწერლობა, 2005. - 209გვ.
• აზროვნებს, მოძრაობს და მეტყველებს ყველა ცოცხალი არსება: (ადამიანი, ცხოველი, ფრინველი, მცენარე, მწერი, მიკრობი და ვირუსი) (ავტორი). - თბილისი, უნივერსალი, 2004. - 142გვ.. - ISBN: 9789941121111
• სიცოცხლის კანონზომიერება, როგორც სამედიცინო მეთოდოლოგიისა და სოციალური კანონმდებლობის საფუძველი და კრიტერიუმი (ავტორი). - თბილისი, საქართველოს ფილოსოფიურ მეცნიერებათა აკადემია, საბაზო სანატორიუმი "ლიკანი", 2002. - 275გვ.
• აზროვნება ცოცხალ არსებათა ძირითადი ნიშანთვისებაა (ავტორი). - თბილისი, საქართველოს ფილოსოფიურ მეცნიერებათა აკადემია, საბაზო სანატორიუმი "ლიკანი", 2002. - 99გვ.
• სიცოცხლის კანონზომიერება და მედიცინის თეორიული და პრაქტიკული პრობლემები (ავტორი). - თბილისი, საქ. ფილოსოფ. მეცნ. აკადემია, საბაზრო სანატორიუმი "ლიკანი", 2001. - 262გვ.