გრიგორი მხატვარი

დაბადების ადგილი: ქ. ოდესა.

დაამთავრა ბათუმის საზღვაოსნო სასწავლებელის გემთწამყვანობის ფაკულტეტი 1976 წელს; ნოვოროსიისკის უმაღლესი საზღვაო-საინჟინრო სასწავლებელი ინჟინერ-გემთწამყვანის სპეციალობით 1992 წელს.
1977-1980 წწ. კაპიტნის მეორე თანაშემწედ ცურავდა ოდესის შავი ზღვის საზღვაო სანაოსნოს (ЧМП) გემებზე, 1980 წლიდან კი საქმიანობა საქართველოს საზღვაო სანაოსნოში განაგრძო; კაპიტნის თანაშემწედ, შორეული ნაოსნობის შტურმანად ცურავდა სანაოსნოს მადანმზიდებზე - «Филипп Махарадзе»-ზე, «Художник Герасимов»-სა და «Художник Габашвили»-ზე; 1992 წლიდან საქართველოს საზღვაო სანაოსნოს ბალკერების: «Художник Тоидзе»-სა და «Художник Владимир» Серов»-ის კაპიტანია, 1994 წელს კი ერთობლივი სანაოსნო კომპანია - «Anglo-Georgian Shipping Co»-ს კუთვნილი გემის, სახელდარქმეული ბალკერის - «LEVAN»-ის(ყოფილი «Миха Цхакая») კაპიტნად ინიშნება; 1996-2000 წწ. სხვადასხვა უცხოური სანაოსნო კომპანიის სუპერინტენდანტად (კაპიტან-დამრიგებლად) საქმიანობდა. 2001 წლიდან კი შორეული ნაოსნობის კაპიტანი გრიგორი მხატვარი ერთ-ერთი წამყვანი ევროპული სანაოსნო კომპანიის კონტეინერმზიდებზე დაცურავს. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com