მამული ჩაკვეტაძე

დაბადების ადგილი: ქ. ბათუმი.
დაამთავრა ბათუმის საზღვაოსნო სასწავლებლი 1961 წელს; დაამთავრა ოდესის უმაღლესი საინჟინრო-საზღვაო სასწავლებელი (ОВИМУ) ინჟინერ-გემთწამყვანის სპეციალობით 1974 წელს.
სასწავლებლის დამთავრებისთანავე მატროსად ცურვა შავი ზღვის სახელმწიფო საზღვაო სანაოსნოს შორეული ნაოსნობის გემებზე დაიწყო; 1963-1966 წწ. კი ამავე სანაოსნოს ნოვოროსიისკის ნავთობსატანკერო ფლოტის სამმართველოს გემების: «ბელგრადის», «დრუჟბას», «გდანსკისა» და «გრიგორი ვაკულენჩუკის» კაპიტნის თანაშემწედ, შტურმანად საქმიანობდა; 1967-1971 წწ. ასრულებდა ბათუმის საზღვაო ნავსადგურის კაპიტნის თანაშემწის, 1973-1974 წწ. კი პორტის უფროსის თანაშემწის მოვალეობებს; იყო კაპიტნის უფროსი თანაშემწე  საქართველოს საზღვაო სანაოსნოს ტანკერებზე: «ფოთი», «ჩკალოვი», «სოხუმი»; 1976 წლიდან შორეული ნაოსნობის კაპიტანია და მეთაურობს საქართველოს საზღვაო სანაოსნოს ტანკერების: «ფორე მოსულიშვილის», «ზაქარია ფალიაშვილის», «ცეზარ კუნიკოვის», «ადიგენის», «დავით ბაქრაძისა» და «დავით გურამიშვილის» ეკიპაჟებს. 1984 წელს ხორვატიის ქალაქ სპლიტში, კაპიტანმა ჩაკვეტაძემ მიიღო, ექსპლუატაციაში გაუშვა  და ბათუმში მოიყვანა საქართველოს სანაოსნოს ერთ-ერთი საუკეთესო ხომალდი, ტანკერი «კაპიტანი ა. კაჭარავა». შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com