იაშა ჯინჭარაძე

დაბადების ადგილი: სოფელი მახინჯაური, აჭარის ავტონომიური რესპუბლიკა.

დაამთავრა ბათუმის საზღვაოსნო სასწავლებელი 1951 წელს; ოდესის უმაღლესი საზღვაო-საინჟინრო სასწავლებელი (ОВИМУ) 1970 წელს.

ზღვაში შრომითი საქმიანობა 1951 წელს სსრკ ჩრდილოეთის საზღვაო სანაოსნოს გემებზე დაიწყო რიგით მატროსად, მოგვიანებით იქვე გახდა შორეული ნაოსნობის კაპიტნის თანაშემწე; შტურმანად საქმიანობდა  ჩრდილოეთ ყინულოვან ოკეანეში, თეთრ, ბარენცის, ნორვეგიის ზღვებში და პორტ დიქსონში; 1958 წლიდან შავ ზღვაზე გადმოდის და ცურვას შავი ზღვის სახელმწიფო საზღვაო სანაოსნოს  გემებზე განაგრძობს; 1961 წლიდან იყო ლეგენდარული კაპიტნის, ელიზბარ გოგიტიძის უფროსი თანაშემწე საბჭოთა სამგზავრო დიზელელექტრომავალ - «РОССИЯ»-ზე; 1967 წელს სამშობლოში ბრუნდება და უკვე შორეული ნაოსნობის კაპიტნის რანგში ცურვას საქართველოში ახლადდაარსებული საზღვაო სანაოსნოს გემებზე იწყებს; ის იყო პირველი კაპიტანი, რომელმაც 1967 წელს პირველად და პირველმა მოიყვანა მიწერის პორტ ბათუმში, ახლადგახსნილი საქართველოს საზღვაო სანაოსნოს პირველი ტანკერი - «АЛАГИР»-ი; მას შემდეგ გარდაცვალებამდე კაპიტანი ჯინჭარაძე სანაოსნოს გემების «ქარელის», «აქტაშის», «მხატვარ გაბაშვილისა» და სხვათა ეკიპაჟებს მეთაურობდა. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com