ვალერიან მეიფარიანი

დაამთავრა თბილისის სახელმწიფო უნივერსიტეტის ფილოსოფიის ფაკულტეტი და საქართველოს მეცნიერებათა აკადემიის ფილოსოფიის ინსტიტუტის ასპირანტურა.

მუშაობს ბუნებისმეცნიერების ფილოსოფიის პრობლემებზე. წიგნში "ვერნერ ჰაიზენბერგის ფილოსოფიური შეხედულებანი" (თბილისი, 1963), იგი ცდილობს დაამტკიცოს, რომ თანამედროვე ფიზიკის მეცნიერული დაფუძნება შესაძლებელია მხოლოდ და მხოლოდ დიალექტიკური მატერიალიზმის პოზიციებიდან. კვანტური თეორიის კოპენჰაგენურ ინტერპრეტაციას, მისი აზრით, პოზოტივისტური ხასიათი აქვს და "ხელსაწყოს იდეალიზმს" წარმოადგენს. პოპულარულ წიგნში "მიზეზობრიობის პრობლემა ფიზიკაში და მისი ფილოსოფიური საფუძვლები" (თბილისის, 1970) ავტორი აწარმოებს მიზეზობრიობის პრობლემის ანალიზს თანამედროვე ფიზიკის, განსაკუთრებით, კვანტური მექანიკის შუქზე. გამოქვეყნებული აქვს მრავალი სტატია ფიზიკის ფილოსოფიურ პრობლემებზე. ფილოსოფიის მეცნიერებათა დოქტორი (1968), პროფესორი (1970).

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.125

• მიზეზობრიობის პრობლემა ფიზიკაში და მისი ფილოსოფიური საფუძვლები (ავტორი). - თბილისი, საქ. სსრ საზ-ბა ცოდნა. საგამომცემლო, 1972. - 32გვ.
• ვერნერ ჰაიზენბერგის ფილოსოფიური შეხედულებები (ავტორი). - თბილისი, საქ. სსრ მეცნ. აკად. გამ-ბა, 1963. - 109გვ.
• ლოგიკა : (მოკლე კურსი სტუდენტებისათვის) (ავტორი). - თბილისი. - 60გვ.