ალექსანდრე ახვლედიანი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი, ხიდებისა და გვირაბების განყოფილება 1979 წელს; 1980–1982წწ. სწავლობდა საქართველოს აკადემიის სამთო მექანიკის ინსტიტუტის ასპირანტურაში (ხელმძღვანელი – აკადემიკოსი ლევან ჯაფარიძე). 

1979 წელს მუშაობა დაიწყო საქართველოს აკადემიის სამთო მექანიკის ინსტიტუტის სამთო წნევის თეორიის კვლევით განყოფილებაში; 1983–1996წწ. წლებში საქართველოს აკადემიის საამშენებლო მექანიკისა და სეისმომედეგობის ინსტიტუტის ზღვრული წონასწორობის თეორიის კვლევით განყოფილებაში; 1997–1998წწ. საქართველოს პარლამენტის იურიდიული დეპარტამენტის სარედაქციო განყოფილებაში; 1999 წელს მას ისრაელის განათლების სამინისტროს გადაწყვეტილებით მიენიჭა ისრაელის MSc სამეცნიერო ხარისხი; 2000–2003წწ. მუშაობდა ისრაელის საშუალო და მცირე ბიზნესის განვითარების რეგიონალურ MATI-LEV-HA–GALIL ორგანიზაციაში, სადაც მან დანერგა მის მიერ დამუშავებული ახალი ლოგიკურ–მათემატიკური და ანალიტიკურ–მექანიკური ტექნოლოგია; ხელმძღვანელობს საერთაშორისო სამეცნიერო INCOL (Israel-Georgia) საზოგადოებას, რომელიც ახორციელებს ახალი თაობის უნივერსალური ლოგიკურ–ინფორმაციული და მათემატიკურ–ანალიტიკური მეთოდების დამუშავებას და მათ დანერგვას მეცნიერებისა და ტექნიკის სხვადასხვა დარგში. მშენებლობისა და სამთო მექანიკის დარგის სპეციალისტი, მოღვაწეობს ასევე სეისმომედეგობის კონსტრუქციების მიმართულებით. გამოქვეყნებული აქვს მრავალი სამეცნიერო სტატია, 5 წიგნი. 

წყარო: russika.ru