ოთარ ტაბიძე

დაბადების ადგილი: სოფელი ივანდიდი, ხონის რაიონი.

დაამთავრა ქუთაისის სახელმწიფო პედაგოგიური ინსტიტუტის ფილოლოგიის ფაკულტეტი 1947 წელს; 1948 წელს ჩაირიცხა ასპირანტურაში, რომლის დამთავრების შემდეგ მუშაობდა ამავე ინსტიტუტის ფსიქოლოგიის კათედრაზე, შემდეგ გორისა და თელავის პედაგოგიურ ინსტიტუტებში; 1956-1962წწ. იყო საქართველოს მეცნიერებათა აკადემიის დიმიტრი უზნაძის სახელობის ფსიქოლოგიის ინსტიტუტის სწავლული მდივანი; 1962 წლიდან მუშაობდა საქართველოს მეცნიერებათა აკადემიის ფილოსოფიის ინსტიტუტში; 1982 წლიდან იყო ამავე ინსტიტუტის ფილოსოფიური ანთროპოლოგიის განყოფილების გამგე. იგი იკვლევდა ფილოსოფიური ანთროპოლოგიის პრობლემებს. მისი აზრით, ადამიანის შინასამყაროს მაღალი ფენა არის განვითარების ახალი დონე და თავის შემადგენლობაში მოხსნილი სახით შეიცავს დაბალს, რის გამოც აზრს კარგავს "მაღალისა" და "დაბალის" დაპირისპირება. სუბიექტის არსს ქმნის არა თავისთავადი ობიექტური ღირებულებანი, არამედ მათი გარდაქმნა სუბიექტურ მოთხოვნილებებად, ქცევის მოტივად, ადამიანის შემოქმედებაც ობიექტური ღირებულებების აღმოჩენას უკავშირდება. ფილოსოფიის მეცნიერებათა დოქტორი (1972), პროფესორი.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.154

• ადამიანი, თავისუფლება, შემოქმედება (ავტორი). - თბილისი, მეცნიერება, 1991. - 224გვ.
• ადამიანი - სინამდვილე და ოცნება : ფილოსოფიური ანთროპოლოგიის შესავალი (ავტორი) // ნაკვ. 1. - თბილისი, მეცნიერება, 1986. - 102გვ.
• შემოქმედების არსი (ავტორი). - თბილისი, მეცნიერება, 1980. - 69გვ.
• ბიჰევიორისტული ფსიქოლოგიის ფილოსოფიური საფუძვლები (ავტორი). - თბილისი, მეცნიერება, 1968. - 112გვ.
• შეგრძნებების ურთიერთობის პრობლემისათვის ფსიქოლოგიაში (ავტორი). - თბილისი, საქ. სსრ მეცნ. აკად. გამ-ბა, 1961. - 202გვ.