როინ ჭიკაძე

დაბადების ადგილი: სოფელი წინანდალი, თელავის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1962 წელს, 1970-1973წწ. სწავლობდა თბილისის სახელმწიფო უნივერსიტეტის ფილოლოგიის ფაკულტეტის ასპირანტურაში.

1962-1967წწ. იყო ქართული ენისა და ლიტერატურის კათედრის პროფესორი; 1967-1975წწ. ქართული ენისა და ლიტერატურის კათედრის უფროსი მასწავლებელი; 1975 წლიდან ქართული ენისა და ლიტერატურის კათედრის დოცენტი; 1979-1986წწ. ქართული ენის კათედრის გამგე; 1986-1988წწ. პრორექტორი სასწავლო-სამეცნიერო დარგში; 1988-1989წწ. რექტორის მოვალეობის შემსრულებელი; 1989-2004წწ. თესაუ (იაკობ გოგებაშვილის სახელობის თელავის სახელმწიფო უნივერსიტეტი) რექტორი (სამგზის არჩევითი); 2004-2005წწ. თესაუ-ს სამეცნიერო დარგის პრორექტორი; 2005-2009წწ. ქართული ფილოლოგიის კათედრის გამგე, სრული პროფესორი; 2007 წლიდან  აკადემიური საბჭოს მდივანი; 2009 წლიდან-იაკობ გოგებაშვილის სახელობის თელავის სახელმწიფო უნივერსიტეტის ასოცირებული პროფესორი. ფილოლოგიის მეცნიერებათა კანდიდატი (1975), დოცენტი (1997), ფილოლოგიის მეცნიერებათა დოქტორი (1996), პროფესორი ქართული ენის სპეციალობით (1997). როინ ჭიკაძეს გამოქვეყნებული აქვს 50-მდე სამეცნიერო ნაშრომი, მათ შორის მონოგრაფია, მისი სამეცნიერო-კვლევითი შრომები ქვეყნდებოდა სამეცნიერო ხასიათის ჟურნალებში, იბეჭდებოდა ცალკე წიგნებად. მისი ცნობილი სამეცნიერო ნაშრომია "პარატაქსული კონსტრუქციები ქართულში". იყო ჟურნალ "ენათმეცნიერების საკითხების" რედკოლეგიის წევრი. როინ ჭიკაძის რექტორობის პერიოდში თელავის პედაგოგიურ ინსტიტუტს მიენიჭა უნივერსიტეტის სტატუსი.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.203

• საქართველოს ეროვნულ და სოციალურ ურთიერთობათა აკადემია, აკადემიკოსი (1997-)
• თესაუ სამეცნიერო შრომების კრებულის რედკოლეგია, წევრი
• თესაუ ფილოლოგიის ფაკულტეტის სადისერტაციო საბჭო, წევრი
• საქართველოს ეკოლოგიურ მეცნიერებათა აკადემია, აკადემიკოსი (1997-)
• საქართველოს პედაგოგიურ მეცნიერებათა აკადემია, აკადემიკოსი (1988-)

• მოძღვარი (ალექსანდრე გვენცაძე) : ცხოვრება და მოღვაწეობა (ავტორი). - თბილისი, უნივერსალი, 2009. - 308გვ.
• წინადადების პარატაქსული კონსტრუქცია ქართულში (ავტორი). - თბილისი, თბილ. უნ-ტის გამ-ბა., 1995. - 195გვ.