
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

გენო ცინცაძე

Date of birth:	1929
Date of death:	1992 (at 63 years)
Category:	Scientist, Educator, Philosopher

Biography

დაბადების ადგილი: სოფელი ზემო ფარცხმა, ჩოხატაურის რაიონი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1953 წელს; 1954-1956წწ. სწავლობდა მოსკოვის სახელმწიფო უნივერსიტეტის ასპირანტურაში.

1957 წელს თბილისში დაბრუნდა და მუშაობა დაიწყო საქართველოს მეცნიერებათა აკადემიის ფილოსოფიის ინსტიტუტში; 1974 წლიდან გარდაცვალებამდე მუშაობდა თბილისის ილია ჭავჭავაძის სახელობის უცხო ენების ინსტიტუტში ფილოსოფიის კათედრის გამგედ. მის კალამს ეკუთვნის მრავალი სამეცნიერო სტატია და რამდენიმე მონოგრაფიული გამოკვლევა. განსაკუთრებით მნიშვნელოვანია წიგნი "აუცილებლობისა და შემთხვევითობის ურთიერთობის შესახებ" (თბილისი, 1965), რომელშიც ეს ფილოსოფიური კატეგორიები განხილულია თანამედროვე მეცნიერების (ფიზიკისა და ბიოლოგიის) მონაცემების მეცნიერული ანალიზის საფუძველზე. იგი იკვლევდა აგრეთვე მეცნიერული შემეცნების მეთოდოლოგიის პრობლემებს, ფილოსოფიისა და კერძო მეცნიერებათა ურთიერთობას, მეცნიერული კვლევის მეთოდებს და სხვა ფილოსოფიურ პრობლემებს. მის ნაშრომებში შესწავლილია არა მხოლოდ თეორიული ფილოსოფიის, არამედ აგრეთვე მეცნიერების ფილოსოფიის ძირეული საკითხები. იგი აკრიტიკებდა იმ გავრცელებულ თვალსაზრისს, რომლის მიხედვით კერძო მეცნიერებანი ფილოსოფიიდან გამოიყო და, ამტკიცებდა რა მათი ურთიერთკავშირის აუცილებლობას, ამასთანავე იცავდა თითოეული მათგანის გენეტიკური და რეალური ავტონომიის იდეას. იგი განსაკუთრებულ მნიშვნელობას ანიჭებდა მეცნიერული კვლევის სისტემურ მეთოდს, აჩვენებდა მის ფილოსოფიურსა და მეცნიერულ წანამძღვრებს, დამოკიდებულებას დიალექტიკურ მატერიალიზმთან. მან სპეციალური წიგნი მიუძღვნა მეცნიერული შემეცნების მეთოდოლოგიის პრობლემას, რომელშიც ნაჩვენებია ამ მეთოდოლოგიის სტრუქტურა და დონეები, ფილოსოფიის მეთოდოლოგიური როლი სპეციალურ-მეცნიერული კვლევის პროცესში და სხვა. ფილოსოფიის მეცნიერებათა დოქტორი (1965), პროფესორი.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.186-187

Bibliography

მეცნიერული კვლევის სისტემური მეთოდი (Author). - თბილისი, მეცნიერება, 1980. - 87გვ.
პირადისა და საზოგადოებრივის ურთიერთობა განვითარებულ სოციალიზმში (Author). - თბილისი, საბჭ. საქართველო, 1979. - 64გვ.
მეცნიერული შემეცნების მეთოდოლოგიის ზოგიერთი საკითხი (Author). - თბილისი, საბჭ. საქართველო, 1977. - 115გვ.
ფილოსოფიისა და კერძო მეცნიერებათა ურთიერთობის შესახებ (Author). - თბილისი, მეცნიერება, 1973. - 83გვ.
ვ. ი. ლენინის წიგნი "მატერიალიზმი და ემპირიოკრიტიციზმი" და მარქსისტული ფილოსოფიისა და ბუნებისმეტყველების განვითარება (Author). - თბილისი, საბჭ. საქართველო, 1971. - 97გვ.
დიალექტიკური მატერიალიზმის მოძღვრება კატეგორიების შესახებ (Author). - თბილისი, საქ. სსრ საზ-ბა "ცოდნა", 1970. - 31გვ.
აუცილებლობისა და შემთხვევითობის ურთიერთობის შესახებ (Author). - თბილისი, მეცნიერება, 1965. - 240გვ.