ვლადიმერ ჭანუყვაძე

დაბადების ადგილი: სოფელი შემოქმედი, ოზურგეთის რაიონი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1951 წელს.

მისი სამეცნიერო კვლევის ინსტერესებს შეადგენდა შრომის განვითარების კანონზომიერებანი, პიროვნების თავისუფლების, საზოგადოების პოლიტიკური მართვის პრობლემები. 100-ზე მეტი სამეცნიერო ნაშრომის, 4 დამხმარე სახელმძღვანელოს, 18 მონოგრაფიის ავტორი; საკანდიდატო და სადოქტორო დისერტაციების მეცნიერ-ხელმძღვანელი; კონსულტანტი, რეცენზენტი; ოპონენტი. მონაწილეობდა პოლიტოლოგთა საერთაშორისო სიმპოზიუმებში; არჩეული იყო პოლიტიკურ მეცნიერებაში სამეცნიერო ხარისხების მიმნიჭებელი საბჭოს წევრად. ფილოსოფიის მეცნიერებათა დოქტორი (1977), პროფესორი.

წყარო: ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.200

• პოლიტოლოგიური დიალოგი: (ანუ წიაღსვლა პოლიტიკის სამყაროში) (თანაავტორი). - თბილისი, საქ. პოლიტ. მეცნ. აკადემია, 1998. - 300გვ.
• პოლიტოლოგიის აქტუალური პრობლემები (ავტორი). - ქუთაისი, ქუთაისის სახ. უნ-ტის სტ., 1997. - 96გვ.
• პოლიტოლოგია : დამხმარე სახელმძღვანელო სტუდენტებისათვის (თანაავტორი). - თბილისი, ბედია, 1996. - 175გვ.
• შრომის უფლება და მოვალეობა : საუბარი სსრ კავშირის კონსტიტუციაზე (ავტორი). - თბილისი, საბჭ. საქართველო, 1978. - 59გვ.
• საქართველოს კომუნისტური პარტია ტექნიკური პროგრესისა და მასების შრომითი შემოქმედების სათავეში (ავტორი). - თბილისი, საბჭ. საქართველო, 1973. - 214გვ.