ლეო გაბრიაძე

დაბადების ადგილი: ქ. თბილისი.

სწავლობდა თბილისის შოთა რუსთაველის სახელობის თეატრალურ ინსტიტუტში სასცენარო ფაკულტეტზე; 1990 წელს ჩააბარა კალიფორნიის უნივერსიტეტში დიზაინისა და ანიმაციის ფაკულტეტზე ქალაქ ლოს-ანჯელესში.

 12 წლიდან რევაზ გაბრიაძის სტუდიაში დაიწყო მუშაობა ასისტენტად და მსახიობად; 17 წლის ასაკში მიიწვიეს სათამაშოდ ფილმში "ქინ-ძა-ძა"; მსახურობდა საბჭოთა არმიაში; უნივერსიტეტის დამთავრების შემდეგ გახსნა დიზაინ-სტუდია "Digital Gypsies". რამდენიმე წელი მუშაობდა გრაფიკული დიზაინისა და ანიმაციური გრაფიკის შექმნაზე; 2000 წელს საცხოვრებლად ქალაქ მოსკოვში გადავიდა, სადაც გახდა კინოკომპანიის "Базелевс"-ის სარეკლამო რეჟისორი; 2007 წელს გახსნა საკუთარი დიზაინ-სტუდია "Bold"; 2010 წელს გადაიღო თავის პირველი სრულმეტრაჟიანი ფილმი "ვიკრუტასები", ფილმმა ხანტი-მანსიისკში პრიზი მოიპოვა; გადაღებულია ფილმებში: "ძნელი დასაწყისი" (1981, რეჟ. თენგიზ მაღალაშვილი); "ქინ-ძა-ძა!" (1986, "Кин-дза-дза!", რეჟ. გიორგი დანელია); "პასპორტი" (1990, "Паспорт", რეჟ. გიორგი დანელია); სარეჟისორო ნამუშევრები: "ვიკრუტასები" (2011, "Выкрутасы"); "ნაძვისხეები 2" (2011, "Ёлки 2"); "ნაძვისხეები 3" (2013, "Ёлки 3"). კინორეჟისორი. კინოდრამატურგის, პროზაიკოსისა და მხატვრის რევაზ გაბრიაძის შვილი.

წყარო: imdb.com; web.archive.org

• 2019 - პრემია "ნიკა" (ფილმი "Знаешь, мама, где я был?", სტუდია: ООО «ТаББак»")
  საუკეთესო ანიმაციური ფილმისათვის