საშა პაპავა

დაბადების ადგილი: ქ. სამტრედია.

დაამთავრა თბილისის სახელმწიფო უნივერსიტეტის ეკონომიური ფაკულტეტი 1928 წელს.

საშუალო განათლება მიიღო ქუთაისის კლასიკურ გიმნაზიაში, სადაც 1917 წლის ნოემბერში ახალგაზრდებთან ერთად ჩამოაყალიბა მარქსის ინტერნაციონალისტთა ახალგაზრდული კავშირი "სპარტაკი"; 1918-1920წწ. მოწაფეთა შორის ეწეოდა არალეგალურ მუშობას, ქუთაისის პარტიული ორგანიზაციის დავალებით; 1920-1921წწ. თბილისის უნივერსიტეტში მოქმედი კომუნისტური უჯრედის წევრი; მუშობდა ბოლშევიკურ გაზეთ "კომუნისტის" რედაქციაში; აქტიურად მონაწილეობდა მენშევიკური მთავრობის საწინააღმდეგო საპროტესტო გამოსვლებში; 1920 წელს იყო დაპატიმრებული და იმყოფებოდა ქუთაისის ციხეში, განთავისუფლდა საბჭოთა ხელისუფლების გამარჯვების შემდეგ; 1921-1923წწ. იყო ქუთაისში გამომავალ გაზეთ "მუშა და გლეხის" რედაქტორის მოადგილე; 1924-1925წწ. რედაქტორობდა საქართველოს კომპარტიის აჭარის კომიტეტის და ცენტრალური აღმასრულებელი კომიტეტის ორგანოს გაზეთ "ფუხარას", ქ. ბათუმში; 1924 წელს დაბრუნდა თბილისის სახელმწიფო უნივერსიტეტში და სწავლა განარგძო ეკონომიკურ ფაკულტეტზე; 1925-1926წწ. სწავლასთან ერთად, პარალელურად, თბილისის საქალაქო კომიტეტში მუშაობდა აგიტაციისა და პროპაგანდის განყოფილების გამგედ; 1928 წელს უნივერსიტეტის დამთავრების შემდეგ სწავლა ასპირანტურაში გააგრძელა; 1931 წლიდან სხვადასხვო დროს კითხულობდა ლექციებს პოლიტეკონომიაში სატყეო და პედაგოგიურ ინსტიტუტებში; მცირე ხნით ასრულებდა საფინანსო - ეკონომიკური ინსტიტუტის საფინანსო ფაკულტეტის დეკანის და მარქსიზმ-ლენინიზმის ინსტიტუტის სწავლული მდივნის მოვალეობას; 1924-1935წწ. თბილისის სახელმწიფო უნივერსიტეტის გაერთიანებული პარტიული ბიუროს წევრი; 1931-1933წწ. საქართველოს ცენტრალური კომიტეტის კულტურისა და პროპაგანდის განყოფილების გამგე; 1932 წელს მიენიჭა დოცენტის წოდება; 1934-1935წწ. თბილისის სახელმწიფო უნივერსიტეტის პრორექტორი სასწავლო დარგში; 1935-1936წწ. ქუთაისის პედაგოგიური ინსტიტუტის დირექტორი (რექტორი); იყო სტალინური რეპრესიების მსხვერპლი; 19 წელი გაატარა სტალინურ იზოლატორებსა და ბანაკებში (1955 წლამდე); 1956 წელს მთლიანად იქნა რეაბილიტირებული; 1956-1990წწ. იყო ვ. ი. ლენინის სახელობის საქართველოს პოტიქნიკური ინსტიტუტის პოლიტეკონომიის კათედრის დოცენტი; საავიაციო ქარხნის სახალხო უნივერსიტეტის რექტორი და კითხულობდა ლექციებს საზოგადოება "ცოდნის" ხაზით. გამოცემული აქვს რამდენიმე შრომა ეკონომიკის აქტუალურ საკითხებზე.

წყარო: აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University / იმერ ბასილაძე, ნესტან კუტივაძე.-ქუთაისი, 2013.-გვ.20-24