ვანო გოშხეთელიანი

დაბადების ადგილი: სოფელი ზარათი, წყალტუბოს რაიონი.

დაამთავრა ქუთაისის პედაგოგიური ტექნიკუმი 1930 წელს; ქუთაისის სახელმწიფო პედაგოგიური ინსტიტუტის საბუნებისმეტყველო ფაკულტეტი 1937 წელს.

ტექნიკუმის დამთავრების შემდეგ გაიგზავნა მასწავლებლად ბაღდათის რაიონის სოფელ კაკასხიდსა და წითელხევში; 1932 წელს გადმოიყვანის ქუთაისის რაიონის სოფელ რიონის 7 წლიანი სკოლის გამგედ; 1937 წელს მობილიზაციის წესით გააგზავნეს ქალაქ გორის მე-4 საშუალო სკოლის დირექტორად; 1938 წელს ჩაირიცხა მოსკოვის ვ.ი. ლენინის სახელობის სახელმწიფო პედაგოგიური ინსტიტუტის ასპირანტურაში და დაიცვა საკანდიდატო დისერტაცია; 1941 წელს აირჩიეს ქუთაისის პედაგოგიური ინსტიტუტის ზოოლოგიის კათედრის დოცენტად, კითხულობდა ლექციებს დარვინიზმში, იყო დარვინიზმის კაბინეტის გამგე; 1945-1950წწ. ქუთაისის პედაგოგიური ინსტიტუტის ფუნდამენტური ბიბლიოთეკის გამგე; 1953-1959წწ. მასწავლებელთა დახელოვნების ინსტიტუტის ქუთაისის ფილიალის დირექტორი; 1959-1960წწ. ქუთაისის ოლქის განათლების განყოფილების გამგე; 1960-1962წწ. ქუთაისის ალ. წულუკიძის სახელობის სახელმწიფო პედაგოგიური ინსტიტუტის პრორექტორად სასწავლო და სამეცნიერო მუშაობის დარგში; 1962-1965წწ. ამავე ინსტიტუტის რექტორი; 1965-1993წწ. მუშაობდა ამავე ინსტიტუტის ზოოლოგიის კათედრის დოცენტად. გამოქვეყნებული აქვს არაერთი საინტერესო გამოკვლევა, რითაც მნიშვნელოვანი წვლილი შეიტანა ზოოლოგიის შესწავლისა და განვითარების საქმეში.

წყარო: აკაკი წერეთლის სახელმწიფო უნივერსიტეტის რექტორები = The rectors of Akaki Tsereteli State University / იმერ ბასილაძე, ნესტან კუტივაძე.-ქუთაისი, 2013.-გვ.37-39  

• მიჩურინული მატერიალისტური ბიოლოგიური მეცნიერების გამარჯვება (ავტორი) // ქუთაისის სახ. პედ. ინ-ტის შრომები, ტ. IX, 1949. - ქუთაისი, 1949. - 23-53გვ.