არჩილ გვერდწითელი

დაბადების ადგილი: დაბა სურამი, ხაშურის რაიონი.

არჩილ გვერდწითელი იყო გორის მანქანა-ტრაქტორთა პარკის უფროსი აგრონომი. დაპატიმრების დროს ბრალად ედებოდა, რომ იყო მემარჯვენეთა კონტრრევოლუციური ორგანიზაციის აქტიური წევრი და აქტიურ მონაწილეობას იღებდა არალეგალურ თათბირებში. მემარჯვენეთა კონტრრევოლუციური ორგანიზაციის დავალებებით ატარებდა მავნებლურ ღონისძიებებს სოფლის მეურნეობის მოსაშლელად, ამით იწვევდა კოლმეურნეების უკმაყოფილებას საბჭოთა ხელისუფლების წინააღმდეგ. იყო იმ ორგანიზაციის წევრი, რომელიც აპირებდა სკკპ(ბ) და საბჭოთა მთავრობის ხელმძღვანელების წინააღმდეგ ტერორისტული აქტის მოწყობას. "სამეულის" სხდომა ჩატარდა 1937 წლის 7 დეკემბერს. მიესაჯა დახვრეტა პირადი ქონების კონფისკაციით.

წყარო: ინფორმაციის თავისუფლების განვითარების ინსტიტუტის (IDFI) : ბიოგრაფიები: 1937-1938 წლების მასობრივი რეპრესიები საქართველოში: facebook.com