არტემ ჩაჩუა

დაბადების ადგილი: სოფელი ოფეთი, სამტრედიის რაიონი.

არტემ ჩაჩუა იყო პედაგოგიური სასწავლებლის პედაგოგი. პირველად დააპატიმრეს 1923 წელს, მიესაჯა გასახლება საქართველოს ფარგლებს გარეთ 3 წლით, მეორედ დააპატიმრეს 1937 წლის 15 ოქტომბერს. ბრალად ედებოდა, რომ 1915 წლიდან იყო "ახალგაზრდა მარქსისტთა კ/რ ორგანიზაციის" წევრი. საქართველოს გასაბჭოების შემდეგ აგრძელებდა კონტრრევოლუციურ საქმიანობას. 1936 წელს შევიდა "ახალგაზრდა მარქსისტთა" არალეგალური, ტერორისტული, დივერსიულ-მავნებლური ორგანიზაციის ცენტრალურ კომიტეტში. ამავე დროს ეწეოდა კონტრრევოლუციურ და მავნებლურ საქმიანობას მემარჯვენეების კონტრრევოლუციურ ორგანიზაციაში. "სამეულის" სხდომა ჩატარდა 1937 წლის 2 დეკემბერს. მიესაჯა დახვრეტა და პირადი ქონების კონფისკაცია.

წყარო: ინფორმაციის თავისუფლების განვითარების ინსტიტუტის (IDFI) : ბიოგრაფიები: 1937-1938 წლების მასობრივი რეპრესიები საქართველოში: facebook.com