ვალერიან გეგეშიძე

დაბადების ადგილი: სოფელი მელაური, ქუთაისის მაზრა.

რევოლუციურ მოძრაობაში ჩაება 1915 წელს, თბილისის სასულიერო სემინარიაში სწავლის დროს. აგიტაციას ეწეოდა კავკასიის ფრონტის ჯარისკაცებს შორის; 1917 წელს მონაწილეობდა სამტრედიის ბოლშევიკური ორგანიზაციის შექმნაში; სამტრედიაში პარტიის კომიტეტის მდივნად ყოფნის დროს პროპაგანდისტულ მუშაობას ეწეოდა გლეხობაში; რევოლუციური მოღვაწეობისათვის არაერთხელ დააპატიმრეს; 1918 წელს შევიდა თბილისის სახელმწიფო უნივერსიტეტში, სადაც ამხანაგებთან ერთად მოაწყო პირველი არალეგალური პარტიული უჯრედი, რომლის მდივნადაც თვითონვე აირჩიეს; 1919 წელს კვლავ სამტრედიაშია და იბრძვის მენშევიკების წინააღმდეგ. მისი სახლი (სოფ. მელაურში) ბოლშევიკური ორგანიზაციის კონსპირაციული პუნქტი იყო; 1919 წლის ნოემბერში იქ შედგა სამტრედიის ბოლშევიკური ორგანიზაციის კონფერენცია. საქართველოში საბჭოთა ხელისუფლების დამყარების შემდეგ იგი იყო სხვადასხვა პასუხსაგებ თანამდებობაზე. გამოქვეყნებული აქვს მოგონებები. რევოლუციური მოძრაობის მოღვაწე საქართველოში.

წყარო: ქართული საბჭოთა ენციკლოპედია: ტ.3.-თბ., 1978. -გვ.30

• კომუნისტური პარტია, წევრი (1917-)