ბორის ბოქოლიშვილი

დაბადების ადგილი: სოფელი ბოდბისხევი, სიღნაღის რაიონი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი 1960 წელს.

1950-1953წწ. მუშაობდა სოფელ ბოდბისხევის კოლმეურნეობაში; 1960-1961წწ. იყო საქართველოს ხე-ტყის დამამუშავებელი მრეწველობის სამმართველოს საკონსტრუქტორო ბიუროს უფროსი კონსტრუქტორი; 1961-1964წწ. მოსკოვის სატყეო ტექნიკური ინსტიტუტის ასპირანტი (იქვე დაიცვა დისერტაცია). 1964 წლიდან მუშაობდა საქართველოს პოლიტექნიკურ ინსტიტუტში ასისტენტის, დოცენტის, პროფესორის თანამდებობაზე. 1984-1986წწ. იყო თბილისის ხის დამამუშავებელი კომბინატის დირექტორი, თბილისის მუსიკალური ინსტრუმენტების საწარმოო გაერთიანების გენერალური დირექტორი, 1971-1984წწ. მექანიკა-მანქანათმშენებლობის ფაკულტეტის დეკანის მოადგილე, ფაკულტეტის დეკანი (1989, 1995), მექანიკა-მანქანათმშენებლობის ახლად ჩამოყალიბებული სასწავლო-სამეცნიერო ინსტიტუტის დირექტორი (1991). ტექნიკურ მეცნიერებათა დოქტორი, პროფესორი.

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.265; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.111

• საქართველოს მეცნიერებათა აკადემიის ენერგეტიკის პრობლემათა კომისია, წევრი
• საქართველოს მეცნიერებისა და ტექნოლოგიების დეპარტამენტის მანქანათმშენებლობის საექსპერტო საბჭო, თავმჯდომარე
• საქართველოს ტექნიკური უნივერსიტეტის მექანიკა-მანქანათმშენებლობის ფაკულტეტის სამეცნიერო საბჭო, თავმჯდომარე
• საქართველოს ტექნიკური უნივერსიტეტის სამეცნიერო საბჭო, წევრი
• ქიზიყის აღორძინების საზოგადოება, თავმჯდომარე (1999 წლიდან საპატიო თავმჯდომარე) (1995-1999)

• 1998 - ღირსების მედალი
  საქართველოში ტექნიკური მეცნიერების განვითარებისა და მაღალკვალიფიციური კადრების აღზრდის საქმეში შეტანილი თვალსაჩინო პირადი წვლილისათვის

• ხის დასამუშავებელი მოწყობილობების მონტაჟი, ექსპლუატაცია და რემონტი : სახელმძღვ. (ავტორი). - თბილისი, ტექნ. უნ-ტის გამ-ბა, 2013. - 160გვ,
• მერქნული მასალებისა და მერქნის ნაკეთობათა წარმოების ტექნოლოგია : სახელმძღვ. სატყეო-ტექნ. სპეც. ბაკალავრ. და მაგისტრ. სტუდ. (ავტორი). - თბილისი, შპს "პოლიგრაფი", 2005. - 368გვ,
• ხის დასამუშავებელი წარმოების მოწყობილობები და იარაღები : ლექციების კონსპექტი (თანაავტორი). - თბილისი, ტექნ. უნ-ტის გამ-ბა, 1997. - 104გვ,