ვახტანგ მენთეშაშვილი

დაბადების ადგილი: სოფელი ქვემო მაჩხაანი, დედოფლისწყაროს რაიონი.

მუშაობდა სტამბაში და პარალელურად სწავლობდა პოლიგრაფიულ ტექნიკუმში. 1942 წელს სამუშაოდ მიავლინეს ამიერკავკასიის ფრონტთან არსებულ გამომცემლობაში, 1944 წელს კი გაზეთ "კომუნისტის" რედაქციაში. 1950 წელს ვახტანგ მენთეშაშვილი დანიშნეს ამიერკავკასიის რკინიგზის სტამბის დირექტორად, 1958 წელს ბეჭვდითი სიტყვის კომბინატის პოლიგრაფიის დირექტორი გახდა. სხვადასხვა დროს მუშაობდა პირველ სტამბაში, წიგნის ფაბრიკაში, ცენტრალური კომიტეტის გამომცემლობაში. დაჯილდოვებული იყო საქართველოს მინისტრათა საბჭოს და რესპუბლიკის პროფსაბჭოს ხუთგზის, ხოლო ოთხგზის საქართველოს ბეჭვდითი სიტყვის სახელმწიფო კომიტეტის გარდამავალი წითელი დროშით. ქართული პოლიგრაფიის გამოჩენილი მოღვაწე. პოლიგრაფი. 

წყარო: კახეთის გამოჩენილი ადამიანები/ოთარ ნაცარაშვილი.-თბ.,2001.-გვ.278

• საქართველოს კულტურის დამსახურებული მუშაკი