შალვა ჭიპაშვილი

დაბადების ადგილი: სოფელი ისლარი, ხარაგაულის რაიონი.

შალვა ჭიპაშვილი იყო საქართველოს სსრ-ს კავშირგაბმულობის სამმართველოს პირველი განყოფილების ყოფილი უფროსი, დააპატიმრეს 1937 წლის 9 მარტს, "სამეულის" სხდომა გაიმართა 1937 წლის 11 სექტემბერს. ბრალად ედებოდა, რომ იყო მემარჯვენეთა კონტრრევოლუციური, ტერორისტული, დივერსიულ-მავნებლური ორგანიზაციის წევრი. კონტრრევოლუციური ორგანიზაციის ხელმძღვანელის დავალებით ეწეოდა კონტრრევოლუციურ საქმიანობას საქართველოს სსრ კავშირგაბმულობის სამმართველოს სამობილიზაციო განყოფილების მიმართულებთ. თავი ცნო დამნაშავედ. მიესაჯა დახვრეტა პირადი ქონების კონფისკაციით. რეაბილიტირებულია საქართველოს სსრ-ს უმაღლესი სასამართლოს 1955 წლის 23 დეკემბრის გადაწყვეტილებით. საკავშირო კპ(ბ) წევრი 1919 წლიდან; გაირიცხა 1937 წელს ხალხის მტრებთან კავშირის გამო.
წყარო: ინფორმაციის თავისუფლების განვითარების ინსტიტუტის (IDFI) : ბიოგრაფიები: 1937-1938 წლების მასობრივი რეპრესიები საქართველოში: facebook.com