ზურაბ პატარაძე

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელი 1962 წელს; ოდესის უმაღლესი საზღვაო-საინჟინრო სასწავლებელი წყლის ტრანსპორტის სპეციალობით 1979 წელს; ნოვოროსიისკის უმაღლესი საზღვაო-საინჟინრო სასწავლებელი ინჟინერ-გემთწამყვანის სპეციალობით 1983 წელს.

სასაწავლებლი დასრულებისთანავე საზღვაო ნათლობა იალქნიან გემ «ალფა»-ზე მიიღო, შემდეგ კი ზღვაში საქმიანობა ნოვოროსიისკის სანაოსნოს ტანკერ «ჯუზეპე ვერდი»-ზე განაგრძო; მომდევნო წლებში ცურავდა ამავე სანაოსნოს ტანკერზე «ადლერი», სადაც ელვისებური სისწრაფით გაიარა შტურმანობის ყველა საფეხური და 25 წლის ასაკში ამ გემის კაპიტანი გახდა; 1967 წელს ბათუმში ბრუნდება და როგორც ყველაზე ახალგაზრდა კაპიტანი საქმიანობას ახლად დაარსებულ საქართველოს საზღვაო სანაოსნოში განაგრძობს. მეთაურობდა ტანკერების: «მაიკოპი»-ს, «გორი»-სა და «ანაკლია»-ს ეკიპაჟებს, ეს უკანასკნელი გემი კი თავადვე მიიღო ფინეთის ქალაქ რაუმას გემთსაშენში «Rauma Repola» 1968 წელს და მისი შტატიანი კაპიტანი გახდა; კიდევ ერთი გემი, ამჯერად უკვე ბალკერი გაუშვა ექსპლუატაციაში კაპიტანმა პატარაძემ. 1973 წელს მან პოლონეთში, შჩეცინის ა. ვარსკის სახელობის გემთსაშენში მიიღო და ჩაიბარა საქართველოს საზღვაო სანაოსნოსათვის აგებული ახალი გემი, მადანმზიდი - «გიორგი ლეონიძე»; გასული საუკუნის 90-აინ წლებში კი უკვე სახელმოხვეჭილმა ქართველმა შორეული ნაოსნობის კაპიტანმა სანაოსნოს ფლაგმანი, ბალკერი - «დავით აღმაშენებელი» მიიღო, რომლის ეკიპაჟსაც მომდევნო წლების მანძილზე თავად  მეთაურობდა. გარდაიცვალა შორეულ ნაოსნობაში, გემზე ყოფნისას. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com