ნინო ჯორჯაძე

დაბადების ადგილი: ქ. თბილისი.

დაამთავრა თბილისის იმპერატორ ნიკოლოზ I–ის სახელობის ამიერკავკასიის ქალთა ინსტიტუტი 1902 წელს. 

დაიბადა ცნობილი მეღვინის, ზაქარია ჯორჯაძისა და თამარ ბაგრატიონ-მუხრანელის ოჯახში; 1902-1908წწ. სწავლობდა შვეიცარიის ერთ­-ერთ პანსიონში, ვენის კონსერვატორიაში, შემდეგ პარიზში, სორბონის უნივერსიტეტში ფორტეპიანოს განხრით; 1910 წელს ბათუმი-მარსელის რეისით ზღვით გაემგზავრა საფრანგეთში ფრანგული ენის დასახვეწად (მოგზაურობა აღწერა დღიურებში); 1910-იან წლებში თბილისში, მიხეილის საავადმყოფოში, გაიარა წითელი ჯვრის მოწყალების დის კურსები; I მსოფლიო ომის დაწყების შემდეგ, 1914 წელს, როგორც მოწყალების და, მოხალისედ წავიდა კავკასიის ფრონტზე; მსახურობდა სარიყამიშის საევაკუაციო პუნქტში, შემდეგ კავკასიის წითელი ჯვრის II მოწინავე რაზმში; ომის წლებში ძმის, პორუჩიკ გიორგი ჯორჯაძის "კოდაკის" წარმოების ფოტოაპარატით შექმნა სურათების სერია, რომელიც ასახავს საბრძოლო მოქმედებებსა და ფრონტისპირა გარემოს; წერდა დღიურსაც ("სულის დღიური"); საქართველოს გასაბჭოების შემდეგ ჯორჯაძეების ოჯახი იდევნებოდა; ნინო ჯორჯაძე უმეტესად ცხოვრობდა კახეთში, საბუეს მამისეულ სახლში, 1950-იანი წლებიდან კი თბილისში თავისი ახლო ნათესავის, ჟურნალისტ ელისაბედ ბაგრატიონის ოჯახთან ერთად; 1914-1918წწ. I მსოფლიო ომის მოწყალების და, მოყვარული ფოტოგრაფი.

წყარო: ნინო ჯორჯაძე : ქართველი ქალის თვალით დანახული პირველი მსოფლიო ომი/თამარ ლორთქიფანიძე. -თბ., 2015; tpmm.ge; ყოჩაღი გოგოები საქართველოს წარსულიდან / მარიამ ჭანჭალეიშვილი, თამთა მელაშვილი.-თბ.,2020.-გვ.45

• 1916 - წმინდა გიორგის III ხარისხის მედალი
• 1915 - წმინდა გიორგის IV ხარისხის მედალი
  ბრძოლის ველზე გამოჩენილი მამაცობისთვის