იგორ ნარმანია

დაბადების ადგილი: სოფელი ილორი, ოჩამჩირის რაიონი.

დაამთავრა სენაკის სასოფლო-სამეურნეო ტექნიკუმი; ქ. ლენინგრადის (სანქტ-პეტერბურგი) ტექნოლოგიური ინსტიტუტის კვების პროდუქტების წარმოების ტექნოლოგიის ფაკულტეტი 1988 წელს.

1970-1990წწ. სენაკის სასოფლო-სამეურნეო ტექნიკუმის მასწავლებელი, საქართველოს რესპუბლიკური სპორტული დაოსტატების სკოლის სენაკის ბაზის მწვრთნელი ძიუდოში, სენაკის საბავშვო სპეციალური სასპორტო სკოლის მწვრთნელი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა – თავისუფალი საქართველო", საარჩევნო ფორმა: პარტიული სიით, საქართველოს ჰელსინკის კავშირი; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი). საქართველოს და საბჭოთა კავშირის მრავალგზის ჩემპიონი ძიუდოში.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ. 272; კარგ ქართველთა საფლავები: geonecropol.ge

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)

• 1974 - სსრკ სპორტის ოსტატი