ჯაბა ონიანი

დაიბადების ადგილი: სოფელი სასაში, ლენტეხის რაიონი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი 1970 წელს; 1970-1974წწ. გაირა მოსკოვის მ. ლომონოსოვის სახელობის უნივერსიტეტის ასპირანტურა ბიოფიზიკის სპეციალობით. 

1975 წელს ასპირანტურის დამთავრების შემდეგ დაბრუნდა თბილისში და მუშაობა დაიწყო თბილისის სახელმწიფო უნივერსიტეტში და წარმატებით დაიცვა საკანდიდატო დისერტაცია "ბიოფიზიკის" სპეციალობით; 1975-1976წწ. მუშაობდა ი. ბერიტაშვილის სახელობის ინსტიტუტის, რადიობიოლოგიისა და სამეცნიერო-კვლევით ლაბორატორიაში უმცროს მეცნიერ თანამშრომლად; 1976-1985წწ. ფაკულტეტის ახალგაზრდა მეცნიერთა საბჭოს თავმჯდომარე; 1978-1991წწ. მისი უშუალო ინიციატივით  და ხელმძღვანელობით ჩატარდა 15 რესპუბლიკური, საკავშირო-საუნივერსიტეტთაშორისო თუ საერთაშორისო სემინარი, სიმპოზიუმი და კონფერენცია; 1985-1987წწ. ბიოლოგიის ფაკულტეტის დეკანის მოადგილე სამეცნიერო დარგში; 1985 წლიდან ხელმძღვანელობდა ბიოფიზიკის კათედრაზე საკავშირო დახურულ თემატიკას რადიოეკოლოგიაში "Мнение-4" (მოსკოვის უნივერსიტეტი); 1987 წელს დაიცვა სადოქტორო დისერტაცია; 1989-1991წწ. ჯ. ონიანი ხელმძღვანელობდა თევზის მრეწველობის საკავშირო სამინისტროს დაკვეთით, საკავშირო "ВИНРО"-ს ბაზაზე სახელშეკრულებო თემის ნაწილს, 1992 წლის იანვარში, მისი უშუალო წერილობითი მიმართვის საფუძველზე, თემის დამთავრებასთან დაკავშირებით დარჩენილი თანხის ნაშთი (24.000 მანეთი) გადარიცხული იქნა ქაშუეთის ეკლესიის რესტავრაციისათვის, რომელიც იმ დროისათვის ძალიან დაზიანებული იყო სამოქალაქო დაპირისპირებების გამო; 1990 წლიდან ივანე ჯავახიშვილის თბილისის სახელმწიფო უნივერსიტეტის პროფესორი; 1990-1998წწ. არჩეული იყო რადიოეკოლოგთა საერთაშორისო კავშირის წევრად და საქართველოდან წარსადგენ სამეცნიერო პროექტთა კოორდინატორად (ქ. ბრიუსელი, ბელგია); 1990-2005წწ. ხელმძღვანელობდა "ეკოლოგიური ბიოფიზიკის" სამეცნიერო-კვლევით ლაბორატორიას; 1991 წლის 14 მარტს საკავშირო მინისტრთა საბჭოსთან არსებული აღმოჩენებისა და გამოგონებების საკავშირო კომიტეტის რეესტრში ჯ. ონიანის სახელზე, 396 ნომრით დაფიქსირდა და გაიცა შესაბამისი დიპლომი ბიოლოგიაში მეცნიერული აღმოჩენის თაობაზე, რომელიც გავრცელდა მოსკოვში მყოფი მსოფლიოს აკრედიტირებული სააგენტოების მიერ; 1994 წელს პროფესორების ჯაბა ონიანის, მურად ცარციძის და დოცენტ ლევან ჩუბინიშვილის უშუალო ინიციატივით თსუ-ში აღდგა სამედიცინო სპეციალობა ბიოლოგიის ფაკულტეტზე, შემდგომ 2001 წელს გამოეყო იგი ბიოლოგიის ფაკულტეტს ცალკე მედიცინის ფაკულტეტად; 1994 წელს ლაბორატორიის ბაზაზე გახსნა ჰიდრობიოლოგიისა და ტოქსიკოლოგიის კათედრა, სადაც კათედრასთან ერთად ხელმძღვანელობდა ამ ლაბორატორიის საქმიანობასაც; 1994-2005წწ. ჰიდრობიოლოგიისა და ტოქსიკოლოგიის კათედრის გამგე; 1998-1999წწ. იყო საქართველოს მეცნიერებათა და ტექნოლოგიების დეპარტამენტის ორი გრანტის მფლობელი; 1998 წელს ამერიკის ბიოგრაფიის ინსტიტუტის მიერ დასახელებული იყო წლის გამოჩნილ მეცნიერად; 1999 წლიდან 2005 წლის მარტამდე იყო ბიოლოგიის და მედიცინის ფაკულტეტის, შემდგომში ბიოლოგიის ფაკულტეტის დეკანი; 2000-2002წწ. ISTC (International Science and Technology Center) - ის გრანტის G-309-ის, მფლობელი-მენეჯერი; 2005 წლიდან, ბიოლოგიის ფაკულტეტის დეკანის კონსულტანტი; სამეცნიერო კვლევის ძირითადი ინტერესები: ბიოფიზიკა, ელექტროფიზიოლოგია, ჰიდრობიოლოგია, ტოქსიკოლოგია, ცოცხალი ბუნების დაცვა, ბიოლოგიური მედიცინა. ავტორია 180 სამეცნიერო ნაშრომის, რომელთაგანაც უმთავრესია ბიოლოგიაში მეცნიერული აღმოჩენა, ასევე ოთხი მეცნიერული გამოგონება და 10 სახელმძღვანელო, მონოგრაფია თუ დამხმარე სახელმძღვანელო; მისი უშუალო ხელმძღვანელობით დაცულია 16 საკანდიდატო და 3 სადოქტორო დისერტაცია.

• რადიოეკოლოგთა საერთაშორისო კავშირი, წევრი (1990-1998)
• საქართველოს ეკოლოგიურ მეცნიერებათა აკადემია, წევრი (1994-)
• საქართველოს საბუნებისმეტყველო მეცნიერებათა აკადემია, დამფუძნებელი, ვიცე-პრეზიდენტი (1994-)
• შინაგან საქმეთა სამინისტროს საზოგადოებრივი აზრის ინსტიტუტი, წევრი (1999-2005)

• 2001 - ღირსების მედალი
  ამერიკის ბიოგრაფიის ინსტიტუტი მეცნიერების განივთარების საქმეში შეტანილი პირადი წვლილისათვის
• 1998 - ღირსების ორდენი (საქართველოს პრეზიდენტის განკაგულებით მეცნიერულ აღმოჩენასთან დაკავშირებით)
  სტუდენტი-ახალგაზრდობის აღზრდა-განათლებაში შეტანილი პირადი დიდი წვლილისა და ნაყოფიერი სამეცნიერო მოღვაწეობისათვისთვის
• 1994 - ივანე ჯავახიშვილის სახელობის მედალი
  მეცნიერების განივთარების საქმეში შეტანილი პირადი წვლილისათვის და ბიოლოგიაში, მეცნიერულ აღმოჩენასთან დაკავშირებით

• ტოქსიკოლოგიის ზოგადი საფუძვლები : სახელმძღვ. სტუდ. (ავტორი). - თბილისი, უნივერსალი, 2006. - 318გვ.. - ISBN: 99940-61-79-8
• ბუნებრივი წყლების ანალიზის თანამედროვე მეთოდები : თარგმ. (რუს.) (მთარგმნელი). - თბილისი, 2006. - 251გვ.. - ISBN: 99940-0-798-X
• ცოცხალი ბუნების დაცვა : სახელმძღვ. უმაღლ. სასწ. ბიოლოგიის ფაკ. სტუდ. (ავტორი). - თბილისი, თბილისის უნ-ტის გამ-ბა, 2003. - 440გვ.. - ISBN: 99940-20-44-7
• ქსენოფიტოტოქსიკოლოგია = Ксенофитотоксикология (თანაავტორი). - თბილისი, სახ. უნ-ტის გამ-ბა, 2002. - 284გვ.. - ISBN: 99928-956-1-6
• საქართველოს თევზების ტერმინოლოგიური ლექსიკონი = Терминологический словарь рыб Грузии : ქართული, რუსული და ლათინური ნომენკლატურა (თანაავტორი). - თბილისი, თბილისის უნ-ტის გამ-ბა, 2002. - 36გვ.. - ISBN: 99928-957-1-3
• ჰიდრობიოლოგიური ტერმინების განმარტებითი ლექსიკონი (ავტორი). - თბილისი, თბილისის უნ-ტის გამ-ბა, 2002. - 539გვ.. - ISBN: 99928-956-0-8
• ჰიდროეკოლოგიური ტერმინების განმარტებითი ლექსიკონი (თანაავტორი). - თბილისი, სახ. უნ-ტის გამ-ბა, 2001. - 64გვ.. - ISBN: 99928-33-31-9
• ივანე ჯავახიშვილის სახელობის თბილისის სახელმწიფო უნივერსიტეტის ბიოლოგიისა და მედიცინის ფაკულტეტი, 1934-1999 : კრებული (რედაქტორი). - თბილისი, თბილ. უნ-ტის გამ-ბა, 2001. - 232გვ.. - ISBN: 99928-33-39-4
• ზოგადი ჰიდრობიოლოგია : სახელმძღვ. უმაღლ. სასწ. სტუდენტებისათვის (ავტორი). - თბილისი, თბილისის უნ-ტის გამ-ბა, 2000. - 401გვ.. - ISBN: 99928-31-21-9
• Регуляция циклосзиса клеток водрослей (ავტორი). - თბილისი, თბილ. უნ-ტის გამ-ბა, 1997. - ISBN: 5-511-00796-X