
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ლეონ მახარაძე

Date of birth:	3 August, 1938
Date of death:	11 December, 2022 (at 84 years)
Category:	Inventor, Engineer, Scientist

Biography

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი სპეციალობით სამთოელექტრომექანიკა 1961 წელს.

1962 წლიდან მუშაობს გ. წულუკიძის სახელობის სამთო ინსტიტუტში სხვადასხვა თანამდებობებზე: ინსტიტუტის დირექტორის მოადგილე სამეცნიერო ნაწილში; 1989-2012წწ. - ტრანსპორტის სპეციალური სახეობების, საიმედოობის და დიაგნოსტიკის განყოფილების ხელმძღვანელი; 2012 წლიდან - კომპლექსური მექანიზაციის ლაბორატორიის ხელმძღვანელი. მან ჩამოაყალიბა და განავითარა საპრობლემო სამეცნიერო მიმართულებები: მაგისტრალური და ტექნოლოგიური დანიშნულების მილსადენი ჰიდროსატრანსპორტო სისტემების (პულპსადენების, ნავთობსადენების, ნავთობპროდუქტსადენების, წყალსადენების) გარდამავალი რეჟიმები და დაუმყარებელი პროცესები მათი წარმოქმნისა და განვითარების სხვადასხვა პირობებისათვის; მრავალფაზიანი ჰიდროაერონარევების ჰიდროაეროდინამიკა; ჰიდრავლიკური დარტყმები მილსადენებში მრავალფაზიანი თხევადი მასების ტრანსპორტირებისას; ჰიდრავლიკური დარტყმების მადემპფირებული ეფექტური საშუალებების დამუშავება, მათი გაანგარიშების თეორია და კომპიუტერული პროგრამები, ეფექტიანობის დადგენა და ანალიზი; ცენტრიდანული ტუმბოების, მილსადენების, სამილსადენო არმატურის ჰიდროაბრაზიული ცვეთის თეორია; ჰიდროაბრაზიული ცვეთის საწინააღდეგო ეფექტური ხერხების და საშუალებების დამუშავება და რეალიზების სფეროების დადგენა; მილსადენი ჰიდროსატრანსპორტო სისტემების საიმედოობის ამაღლებისა და ტექნიკურ-ეკონომიკური მაჩვენებლების ამაღლების ღონისძიების დამუშავება და რეალიზება; მაგისტრალური და ტექნოლოგიური დანიშნულების მილსადენი ჰიდროსატრანსპორტო სისტემების ტექნიკური დიაგნოსტიკა და რეაბილიტაციის ღონისძიებების დამუშავება. მის მიერ შესრულებული თეორიული კვლევის შედეგები შეტანილია "სითხის მექანიკის ენციკლოპედიაში" (ტომი 5, თავი 10, "ჰიდრონარევის ნაკადის ტექნოლოგია"), რომელიც გამოიცა ამერიკის შეერთებულ შტატებში. ლეონ მახარაძის ძირითადი მონაცემები სამეცნიერო მოღვაწეობის შესახებ შეტანილია "სამთო მექანიკის ენციკლოპედია"-ში, რომელიც გამოიცა უკრაინაში 2008 წელს. ტექნიკის მეცნიერებათა დოქტორი (1985), პროფესორი (1986).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.247-248; საქართველო: ენციკლოპედია: ტ.5. -თბ.,2023. -გვ.619-620

Member of Organizations

ეკოლოგიისა და სიცოცხლის უნარიანობის უსაფრთხოების საერთაშორისო აკადემია, ნამდვილი წევრი (2002-)
მინერალური რესურსების საერთაშორისო აკადემია, ნამდვილი წევრი (1994-)
საქართველოს საინჟინრო აკადემია, ნამდვილი წევრი (1996-)
საქართველოს ფიზიკა-მათემატიკის მეცნიერებათა აკადემია, ნამდვილი წევრი (2009-)

Awards and Honors

2014 - არჩილ ძიძიგურის სახელობის პრემია
2013 - ელიზბარ მინდელის სახელობის პრემია
1986 - საბჭოთა კავშირის გამომგონებელი
1984 - საქართველოს დამსახურებული გამომგონებელი

Bibliography

ჰიდროაერომექანიკის, ჰიდრო და პნევმო მანქანების საფუძვლები : სახელმძღვ. (Author). - თბილისი, ტექნ. უნ-ტი, 2014. - 438გვ.. - ISBN: 9789941935718
უსაფრთხოების ტექნიკის საფუძვლები ნავთობისა და აირის მოპოვებისა და ექსპლუატაციისას (Co-Author) // ნაწ. 2. - თბილისი, ტექნ. უნ-ტი, 2013. - 661გვ. . - ISBN: 9789941202438
უსაფრთხოების ტექნიკის საფუძვლები ნავთობისა და აირის მოპოვებისა და ექსპლუატაციისას. (Co-Author) // ნაწ. 1. - თბილისი, ტექნ. უნ-ტი, 2013. - 618გვ.. - ISBN: 9789941202421
გარდამავალი პროცესები ერთობლივად მომუშავე მიწასაწონი დანადგარების ამუშავებისა და გაჩერების დროს (Author). - თბილისი, 1967. - 10გვ.