ზეზვა მედულაშვილი

დაბადების ადგილი: სოფელი არაშენდა, გურჯაანის რაიონი.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი არმენოლოგიის სპეციალობით 1962 წელს.

თბილისის სახელმწიფო უნივერსიტეტის აღმოსავლეთმცოდნეობის ფაკულტეტზე თავდაპირველად სწავლა დაიწყო ირანოლოგიის განხრით, სპარსული ენისა და ლიტერატურის განყოფილებაზე; პირველივე კურსის მეორე სემესტრიდან გადაიყვანეს ახალგახსნილ არმენოლოგიის განყოფილებაზე, რომელიც დაამთავრა კიდეც როგორც არმენოლოგმა, თუმცა სპარსულის სწავლა არ მიუტოვებია და დამოუკიდებლად განაგრძობდა მის უფრო ღრმად შესწავლას და დაუფლებას; ასევე დამოუკიდებლად სწავლობდა თურქულ, აზერბაიჯანულ და სხვა აღმოსავლურ ენებს; 1961 წელს მისი პირველი თარგმანი დაიბეჭდა ალმანახ "მეგობრობის ცისარტყელაში"; მისი თარგმანები: სპარსული, სომხური, ტაჯიკური, უზბეკური, თურქმენული, თურქული, ჩეჩნური, რუსული, გერმანული, აზერბაიჯანული ენებიდან იბეჭდებოდა სხვადასხვა ჟურნალ-გაზეთებში. მისი რედაქტორობით გამოცემულია მრავალი თარგმანი; 1974 წლიდან მუშაობდა მწერალთა კავშირთან არსებულ მხატვრული თარგმანისა და ლიტერატურულ ურთიერთობათა მთავარ სარედაქციო კოლეგიაში უფროს მეცნიერ-თანამშრომლად; მიღებული აქვს ეღიშე ჩარენცის სახელობის (1986), ნაჯაფ ნაჯაფოვის სახელობის (2008), აკად. ზაჰიდ ხალილოვის სახელობის (2012, აზერბაიჯანი) პრემიები, სახალხო დღესასწაულის "პოეზიის დღე-შოთაობა"-ს პირველი პრემია (2011), სომხეთის ჯილდო "კანთეღი" (კანდელი, 2012), ქართული კულტურის ამაგდარის წოდება (2011, თბილისის მერია), ქართული კულტურის დესპანი, საპატიო სიგელი (2012, თბილისის მერია); აღმოსავლეთმცოდნე, პოლიგლოტი.

წყარო: საქართველოს ტელევიზიის 1 არხი: 1tv.ge; წიგნი ღირსებისა: ტ. 6/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.188; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.131; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ. 219

• 2012 - ზაჰიდ ხალილოვის პრემია
• 2011 - პირველი პრემია "პოეზიის დღე-შოთაობა"
• 2011 - პრემია "საგურამო"
• 2008 - ნაჯაფ ნაჯაფოვის პრემია
• 2004 - ლიტერატურული პრემია "საბა"
  აზერბაიჯანული ხალხური ეპოსის "ქოროღლის" თარგმანისათვის
• 2001 - ღირსების ორდენი
• 1987 - ივანე მაჩაბლის სახელობის პრემია
• 1986 - ეღიშე ჩარენცის პრემია
• დმანისის საპატიო მოქალაქე
• პანკისის საპატიო მოქალაქე

• 1001 ბაიათი = 1001 Bayati (მთარგმნელი). - თბილისი, საქველმოქმედო ფონდი "პალადიუმი", 2013. - 368 გვ.. - ISBN: 978-9941-0-6022-9
• ათას ერთი აზერბაიჯანული ბაიათი (მთარგმნელი). - თბილისი, უნივერსალი, 2010. - 186გვ.. - ISBN: 978-99941-17
• ქოროღლი : აზერბაიჯანული ეპოსი (მთარგმნელი) // წ.2. - თბილისი, კავკასიური სახლი, 2003. - ISBN: 99928-71-34-2
• ქოროღლი : აზერბაიჯანული ეპოსი (მთარგმნელი) // წ.1. - თბილისი, კავკასიური სახლი, 2003. - 248 გვ.. - ISBN: 99928-71-34-2