ბიძინა პეტრიაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი, სპეციალობით ავტომობილები და ტრაქტორები 1967 წელს.

1967-1968წწ. მუშაობდა საქართველოს პოლიტექნიკურ ინსტიტუტში; 1969-1971წწ. მოსკოვის ბლაგონრავოვის სახელობის მანქანათმცოდნეობის ინსტიტუტში; 1971-1992წწ. საქართველოს მეცნიერებათა აკადემიის მანქანათა მექანიკის ინსტიტუტში; 1979-1997წწ. კვლავ საქართველოს პოლიტექნიკურ ინსტიტუტში, "მანქანათა ნაწილებისა და ამწე-სატრანსპორტო მანქანების" კათედრაზე. მისი სამეცნიერო მოღვაწეობის სფეროები იყო მექანიზმებისა და მანქანების თეორია, მანქანათა ნაწილები, ფერდობმავალი ტრაქტორები, რობოტოტექნიკური სისტემები, მაღალი გამავლობის არატრადიციული მაძრავები, მაბიჯი მანქანების თეორია. მისი ხელმძღვანელობით პირველად სსრკ-ში შემუშავდა, დამზადდა და გამოიცადა მაბიჯი მაძრავებიანი მანქანის რამდენიმე უნიკალური ნიმუში. მის მიერ შემუშავებულია ასეთი მანქანების საყრდენი რგოლების ორიგინალური კონსტრუქცია, გამოკვლეულია მათი გამწევ-ჩაჭიდებითი თვისებები. ბიძინა პეტრიაშვილს ჰქონდა შესანიშნავი სპორტული კარიერაც. იგი იყო ქართველ მორაგბეთა ერთ-ერთი შესანიშნავი წარმომადგენელი. ტექნიკის მეცნიერებათა დოქტორი (1995), პროფესორი (1996).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.267

• ლითონებისა და შენადნობების დეგაზაციის ახალი მეთოდის საწარმოო გამოცდა (თანაავტორი). - თბილისი, სამეცნიერო-ტექნიკური ინფორმაციისა და პროპაგანდის ინ-ტი, 1968. - 7გვ.