ამირან წერეთელი

დაბადების ადგილი: ქ. ბათუმი.

დაამთავრა ბათუმის საზღვაოსნო სასწავლებელი შტურმან-გემთწამყვანის სპეციალობით 1973 წელს; ოდესის უმაღლესი საზღვაო-საინჟინრო სასწავლებლები ინჟინერ-გემთწამყვანის სპეციალობით 1981 წელს; ნოვოროსიისკის უმაღლესი საზღვაო-საინჟინრო სასწავლებლები ინჟინერ-გემთწამყვანის სპეციალობით 1991 წელს.

ზღვაში შრომითი საქმიანობა იმთავითვე საქართველოს საზღვაო სანაოსნოს მცურავ შემადგენლობაში თავდაპირველად რიგით მატროსად დაიწყო; მომდევნო წლებში, სანაოსნოს სხვადასხვა გემებზე ცურვისას გაიარა მან შტურმანობის ყველა საფეხური, იყო კაპიტნის მეოთხე, მესამე და მეორე რანგის თანაშემწე; 1987 წელს, უკვე შორეული ნაოსნობის კაპიტნის უფროსი თანაშემწის რანგში ამირან წერეთელმა მონაწილეობა მიიღო საქართველოს საზღვაო სანაოსნოსათვის ხორვატიის პორტ სპლიტის გემთსაშენში აგებული ახალი ტანკერის - «აკადემიკოს ვეკუას» მიღებასა და ექსპლუატაციაში გაშვებაში, 1988 წელს კი შორეული ნაოსნობის  კაპიტანი გახდა და ამ გემის ეკიპაჟის მეთაურობა თავად ჩაიბარა; მომდევნო წლებში კაპიტნად ცურავდა საქართველოს საზღვაო სანაოსნოს, ერთობლივი კომპანია «ANGLO-GEORGIAN SHIPPING»-ისა და «COLUMBIA SHIPMANAGEMENT»-ის ტანკერებზე: «ილია ჭავჭავაძე», «გ. ორჯონიკიძე», «პარნარი» და «ანდრეა»; 2000 წლიდან კაპიტანი ამირან წერეთელი საქმიანობას მსოფლიოს სხვადასხვა სანაოსნო კომპანიების «Desire Maritime» -ის, «Candice Navigation»-ის, «Witney Maritime»-ის, «Evelin Shipping»-ის, «Bevereli Navigation»-ის «Jillian Navigation»-ისა და სხვათა გემებზე განაგრძობს; ეწევა პედაგოგიურ საქმიანობას  ბათუმის სახელმწიფო საზღვაო აკადემიაში. შორეული ნაოსნობის კაპიტანი.

წყარო: პაატა ტაბაღუას საავტორო გვერდი: "საქართველო საზღვაო ქვეყანაა": facebook.com