ჯემალ სანიკიძე

დაბადების ადგილი: ქ. ბაღდათი.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი, სპეციალობა - მათემატიკა 1956 წელს; ამავე უნივერსიტეტის ასპირანტურა 1959 წელს.

1960-1966წწ. იყო თბილისის სახელმწიფო უნივერსიტეტის მიახლოებითი ანალიზის კათედრის დოცენტი; 1967-1978წწ. საქართველოს მეცნიერებათა აკადემიის გამოთვლითი ცენტრის უფროსი მეცნიერ-თანამშრომელი; 1978 წლიდან ნიკო მუსხელიშვილის სახელობის გამოთვლითი მათემატიკის ინსტიტუტის გამოთვლითი მეთოდების განყოფილების გამგე; 1983-2006წწ. საქართველოს ტექნიკური უნივერსიტეტის უმაღლესი მათემატიკის კათედრის პროფესორი. სამეცნიერო კვლევის ძირითადი მიმართულებაა კოშის ტიპის სინგულარული ინტეგრალების აპროქსიმაციისა და მათი გამოყენების საკითხები, კერძოდ, კომპლექსური ცვლადის ფუნქციათა თეორიის გამოყენებითი სასაზღვრო ამოცანების რიცხვითი ამოხსნის ალგორითმების კონსტრუირება და გამოკვლევა. 200-ზე მეტი სამეცნიერო ნაშრომის ავტორი. მიღებული აქვს რუსეთის გამოყენებით მეცნიერებათა ეროვნული აკადემიის მედალი (2003). ფიზიკა-მათემატიკის მეცნიერებათა დოქტორი (1986), პროფესორი (1991).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.272

• შესავალი Matlab დაპროგრამებაში (რედაქტორი). - თბილისი, სოხუმის სახელმწ. უნ-ტის გამ-ბა, 2009. - 256გვ. . - ISBN: 9789941127717
• Организация оптоэлектронных некогерентных процессов ЦВМ (თანაავტორი). - Тбилиси, Ганатлеба, 1989. - 512с.
• Многофункциональные оптоэлектронные модули вычислительных структур (თანაავტორი). - Тбилиси, Мецниереба, 1986. - 206с.