პეტრე ქენქაძე

დაბადების ადგილი: სოფელი წევა, ზესტაფონის რაიონი.

დაამთავრა საქართველოს პოლიტექნიკური ინსტიტუტის სატრანსპორტო ფაკულტეტი რკინიგზების ექსპლუატაციის სპეციალობით 1976 წელს; 1981-1983წწ. სწავლობდა მოსკოვის რკინიგზის ინჟინერთა ინსტიტუტის ასპირანტურაში.

მუშაობდა მოსკოვის რკინიგზაზე, სადგურ ორეხოვო-ზუევოში სადგურის მთავარ ტექნოლოგად; 1985-2002წწ. - ამიერკავკასიის რკინიგზაზე (ამიერკავკასიის რკინიგზის გამოთვლითი ცენტრის უფროსის მოადგილე, შემდეგ, საქართველოს რკინიგზის ინსტიტუტის დირექტორი). მისი სამეცნიერო კვლევის ობიექტია რკინიგზის სიმძლავრე და მის გაზრდასთან დაკავშირებული საკითხები; მის მიერ მეცნიერულად დამუშვებულია მეთოდი, ვაგონ და მატარებელნაკადების შემჭიდროებით გატარება პაკეტური და დიდმასიანი (შეერთებული) მატარებლების შემხვედრ მიმართულებებზე მოძრაობის პირობებში წარმატებით იქნა გამოყენებული ამიერკავკასიის, ვოლგისპირეთისა და სამხრეთის რკინიგზების ტვირთდაძაბულ უბნებზე. საქართველოს ტექნიკური უნივერსიტეტის სატრანსპორტო და მანქანათმშენებლობის ფაკულტეტის პროფესორი, ტექნიკის მეცნიერებათა დოქტორი (2004), პროფესორი (2004).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.284-285

• რკინიგზის ტექნიკური აღჭურვილობისა და ექსპლუატაციის ზოგადი კურსი (ავტორი). - თბილისი, საქ. ტექნ. უნ-ტი, 2016. - 354გვ. . - ISBN: 9789941206634
• სატვირთო და კომერციული საქმიანობის ორგანიზაცია სარკინიგზო ტრანსპორტზე : სახელმძღვ. (ავტორი). - თბილისი, ტექნ. უნ-ტი, 2012. - 307გვ. . - ISBN: 9789941200625
• სარკინიგზო და სხვა სახის ტრანსპორტის ურთიერთქმედება : სახელმძღვ. (ავტორი). - თბილისი, ტექნ. უნ-ტი, 2012. - 183გვ.. - ISBN: 9789941200656
• სარკინიგზო ტრანსპორტზე გადაზიდვითი პროცესის ოპტიმიზაციის თანამედროვე პრობლემები (ავტორი). - თბილისი, ტექნ. უნ-ტი, 2007. - 248გვ.. - ISBN: 9789941140112
• სარკინიგზო ტრასპორტი : დამხმ. სახელმძღვანელო საქ. რკინიგზის სასწავლო ცენტრის სტუდენტებისათვის (ავტორი) // ნაწ. 1. - თბილისი, 2001. - 156გვ.