სიმონ შათაშვილი

დაბადების ადგილი: ქ. საჩხერე.

1930 წელს შევიდა თბილისის სახელმწიფო უნივერსიტეტის ფიზიკა-მათემატიკის ფაკულტეტზე; 1932 წელს სწავლა განაგრძო ლენინგრადის უნივერსიტეტში, რომელიც დაამთავრა 1936 წელს.

1940-1943წწ. - სოხუმის პედაგოგიური ინსტიტუტის ფიზიკა-მათემატიკის ფაკულტეტის დეკანი; 1943-1947წწ. - თბილისის სახელმწიფო უნივერსიტეტის დოცენტი; 1947-1949წწ. - მოსკოვის საინჟინრო-ეკონომიკური ინსტიტუტის თეორიული მექანიკის კათედრის დოცენტი; 1949-1964წწ. - საქართველოს პოლიტექნიკური ინსტიტუტის თეორიული მექანიკის კათედრა; 1968 წლიდან - საქართველოს პოლიტექნიკური ინსტიტუტის უმაღლესი მათემატიკის კათედრის პროფესორი; 1971-1987წწ. - ამავე კათედრის გამგე. 1971 წელს მისი ინიციატივით დაარსდა უმაღლესი მათემატიკის კათედრა, რომელიც ემსახურებოდა სამთო-გეოლოგიურ, ენერგეტიკულ და სამშენებლო ფაკულტეტებს; 1987 - წლიდან ამავე კათედრის პროფესორი. რამდენიმე სახელმძღვანელოს და მრავალი სამეცნიერო ნაშრომის ავტორი; მის მიერ გამოკვლეულია მდგრადი დრეკადი რხევის დიფერენციალური განტოლებების სასაზღვრო ამოცანები ლიაპუნოვის ზედაპირით შემოსაზღვრული არეებისათვის; აგრეთვე კონტაქტური ამოცანა ლიაპუნოვის წირით შემოსაზღვრული არეებისათვის; შეისწავლა ერთი კლასის სინგულარულ-ინტეგრალურ განტოლებათა თეორია. ფიზიკა-მათემატიკის მეცნიერებათა დოქტორი (1964), პროფესორი (1968).

წყარო: საქართველოს მათემატიკოსები და მექანიკოსები: ბიოგრაფიული ცნობარი/ნოდარ მახვილაძე. -თბ., 2016. -გვ.290-291; გამოჩენილი ინჟინრები და მეცნიერები: კრებული.-თბ., 2012. -გვ.149-150

• საქართველოს მეცნიერებათა დამსახურებული მოღვაწე

• ინტეგრალური განტოლებები და მათი ზოგიერთი გამოყენება (თანაავტორი). - თბილისი, თბილ. უნ-ტის გამ-ბა, 1986. - 238გვ.
• მათემატიკა : დამხმ. სახელმძღვ. მოსამზადებელი გან-ბის მსმენელებისა და აბიტურიენტებისათვის (თანაავტორი). - თბილისი, თბილ. უნ-ტის გამ-ბა, 1986. - 581გვ.
• წრფივი პროგრამირების ზოგიერთი ამოცანის ალგორითმები და სავარჯიშოები : მეთოდ. მითითებები (თანაავტორი). - თბილისი, საქართველოს პოლიტექნ. ინ-ტი, 1983. - 67გვ.
• მათემატიკური ფიზიკის განტოლებათა ძირითადი საკითხები (თანაავტორი). - თბილისი, თბილ. უნ-ტის გამ-ბა, 1982. - 142გვ.