კალისტრატე გოგუა

დაბადების ადგილი: სოფელი ჯუმათი, ახლანდ. ოზურგეთის მუნიციპალიტეტი.

ჰქონდა საშუალო განათლება. 1890-იანი წლების ბოლოდან მონაწილეობდა რევოლუციურ მოძრაობაში. იყო მენშევიკი;  რევოლუციური საქმიანობისთვის გადასახლებული იყო ციმბირში; იქვე იხდიდა სასჯელს იოსებ სტალინიც; I მსოფლიო ომის წლებში გოგუა იდგა ე. წ. "ობორონეცულ" პოზიციაზე; თავდაპირველად ირაკლი წერეთლის მხარდამჭერი იყო; რუსეთის სოციალ-დემოკრატიული მუშათა პარტიის 1917 წლის აგვისტოს გამაერთიანებელ ყრილობაზე ცენტრალური კომიტეტის წევრობის კანდიდატად აირჩიეს; პარტიის დეკემბრის საგანგებო ყრილობაზე ცენტრალური კომიტეტის წევრად აირჩიეს; 1918 წლის მარტში პარტიის ლიდერებთან და ოჯახთან ერთად მოსკოვში გადავიდა; 1919 წლის დეკემბერში  ოჯახთან ერთად დამოუკიდებელ საქართველოში დაბრუნდა; დანიშნული იყო რესპუბლიკის სამხედრო-სამეურნეო კომიტეტის თავმჯდომარედ. 1921 წლის მარტში, საქართველოს ძალადობრივი გასაბჭოების შემდეგ, ემიგრაციაში წასვლაზე უარი თქვა; იყო ყოფილი მთავრობის რწმუნებული სახელმწიფო ქონების გადაბარების საკითხში; ერთხანს თბილისში ადელხანოვის ტყავის ქარხნის დირექტორად მუშაობდა; 1921 წლის მაისში დააპატიმრეს და ეტაპით მოსკოვში, იქიდან კი სუზდალის პოლიტიზოლატორში გაგზავნეს; 1926-1930წწ. გადასახლებული იყო კურსკში, შემდეგ მოსკოვში ცხოვრობდა; 1937 წლის ნოემბერში კვლავ დააპატიმრეს და 1938 წლის თებერვალში დახვრიტეს; რეაბილიტირებულია 1991 წელს; პოლიტიკური მოღვაწე, სოციალ-დემოკრატი.

• სოციალ-დემოკრატიული პარტია, წევრი