დიმიტრი გაბუნია

დაბადების ადგილი: ქ. სოხუმი.

დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტი 1999 წელს; ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ასპირანტურა 2001 წელს.

1997-1999წწ. გაიარა სასწავლო პრაქტიკა საქართველოს პარლამენტის საკონსტიტუციო, იურიდიულ საკითხთა და კანონიერების კომიტეტში; 1997-1998წწ. გავლილი აქვს ტრენინგები კონფლიქტოლოგიისა და მოლაპარაკებების სტრატეგიის, საკანონმდებლო ტექნიკისა და კანონშემოქმედებითი პროცესის (USAID, AED) მიმართულებით, მონაწილეობდა სახელმწიფო სამართლებრივ ოლიმპიადაში "ადამიანი და კონსტიტუცია"; 2000 წელს სწავლობდა ცენტრალური ევროპის საკონსტიტუციო და საკანონმდებლო პოლიტიკის ინსტიტუტში (COLPI) ქ. ბუდაპეშტი; 1996-1999წწ. იყო ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სტუდენტთა სამეცნიერო საბჭოს წევრი, სამოქალაქო სამართლის განყოფილების უფროსი, 1998-1999წწ. - საქართველოს სახელმწიფო ქონების მართვის სამინისტროს იურიდიული დეპარტამენტის სტაჟიორი; 1999-2000წწ. მუშაობდა საქართველოს სახელმწიფო ქონების მართვის სამინისტროს იურიდიული დეპარტამენტის წამყვან სპეციალისტად; 2000-2003წწ. იურიდიული ფირმის - "კორძაძე და სვანიძე - ადვოკატები" ადვოკატად; 2003-2007წწ. თბილისის საარბიტრაჟო პალატის დირექტორად; 2003-2005წწ. "კორძაძის საადვოკატო ბიუროს" ადვოკატად; 2005 წლიდან 2018 წლის 17 დეკემბრის ჩათვლით - საადვოკატო ბიუროს "გაბუნია და პარტნიორები" დამფუძნებელი და ხელმძღვანელია;2006 წელს დასახელებულ იქნა "წლის ადვოკატად"; 2010 წელს დააფუძნა შპს "ადვოკატთა სკოლა"; 2018 წლის 18 დეკემბრიდან დაინიშნა საქართველოს პრეზიდენტის საპარლამენტო მდივნად.

წყარო: საქართველოს ადვოკათთა ასოციაცია: gba.ge